String of heart 💕
(နှလုံးသားစောင်းကြိုး)
အပိုင်း(၈)
........................
စည်းရဲ့နှုတ်ခမ်းတစ်ဝိုက် ပေနေသော ဂျူးဂျူးရဲ့ နှုတ်ခမ်းနီတွေကို သူမကိုယ်တိုင် တစ်ရှူးနဲ့သုတ်ပေးနေရာ ဂျူးရဲ့ကိုယ်လေးက စည်းပေါင်ပေါ်တက်ထိုင်မိတော့မလို နီးကပ်နေသော အနေအထားတွင်ရှိသည်။ စည်းရဲ့ လက်တစ်စုံကလည်း သူမခါးပေါ်မှာ ဖြည်းဖြည်းလေး အသဲယားဖွယ်ကောင်းအောင် ပြေးလွှားနေတော့ ဂျူးစိတ်ထဲ နေရခက်သလိုလိုနဲ့ ရင်ခုန်နေမိသည်။ ဘာလို့ဆို အားလုံးက လိုချင်နေကြတဲ့ စည်းချင်းဆိုတဲ့လူက ယခု သူမရှေ့မှာလေ..... ။
" ရ ရပြီ "
" သြော် အင်း "
တိုးတိုးလေး မခို့တရို့ပြောပြီး လက်ကိုပြန်ရုတ်ကာ ကိုယ်ကိုနောက်ပြန်ဆုတ်တော့ စည်းမလွှတ်ပေးချင်ဘဲ လွှတ်ပေးလိုက်ရသည်။ စည်းရဲ့အကျင့်သည် နူးညံ့တဲ့ အထိအတွေ့မှန်သမျှမှာ သာယာတတ်တာပင်။ သူ နှာခေါင်းတစ်ဖက်ရှုံ့လျက် ထိုင်ခုံကနေထရပ်လိုက်၏။ ရုပ်ရှင်ကလည်း ပြီးတော့မှာဆိုတော့ ဆက်ထိုင်နေရန် မလိုတော့ပြီ။
လက်ချင်းတွဲ၍ ရုပ်ရှင်ရုံထဲမှ သိပ်ချစ်ကြသော စုံတွဲတွေလို ထွက်လာကြသည့် စည်းချင်းနဲ့ ဂျူးဂျူးမြင့်အောင်...။
" စည်းဗိုက်မဆာဘူးလား တစ်ခုခုသွားစားမယ်လေ "
" အင်း ဆာသလိုလိုတော့ရှိသား သိပ်မဝသလိုပဲ "
စည်းက ဂျူးဂျူးရဲ့ ဖူးရဲနေသော နှုတ်ခမ်းလုံးလုံးလေးကို ကြည့်ကာ သူ့နှုတ်ခမ်းကို လျှာဖြင့်သိမ်း၍ ပြောလိုက်တာမို့ ဂျူးဂျူးရှက်သွေးဖြာသွားပြီး တွဲထားသော သူ့လက်ကို အားနဲ့ဖျစ်ညစ်လိုက်ကာ...
" ဟွန့် အခုမှ first date နော် စည်း... သိပ်ကဲတာပဲ သွား လူဇိုး... "
" ဟ ကိုယ်ကဘာပြောလို့လဲ ဂျူးဂျူးရဲ့... ဗိုက်ပြည့်အောင် စားဖို့ပြောတာလေ၊ ကိုယ်တို့ ကော်ဖီပဲသောက်ထားတဲ့ဥစ္စာ... ဂျူးဂျူးဘာတွေတွေးနေတာလဲ "
" စည်းနော် ဂျူးဂျူးဘက်ကို အပြစ်ပုံမချနဲ့. .... မချစ်တော့ဘဲနေမှာ "
STAI LEGGENDO
String of Heart (နှလုံးသားစောင်းကြိုး)
Storie d'amore" သာ... မင်းရဲ့နှုတ်ကနေ ' မောင် ' လို့ တစ်လုံးတည်းခေါ်လိုက်၊ မင်းဘေးနားက အနှောင့်အယှက်တွေအားလုံး မောင်ရှင်းပြီးသားဖြစ်စေရမယ် " #စည်းချင်း " ဟင့်အင်း ဟင့်အင်း.... မချစ်ချင်တော့ပါဘူး မချစ်တော့ဘူး၊ ရုံ့ဘဝမှာ ဘယ်သူကများ ရုံ့အပေါ် တကယ်ချစ်ခဲ့ကြလို့လဲ၊ ရ...
