العربي وعيالاتو🎻مكتملة🎻

🎻الجزء 3🎻

قصة:🎻لعربي وعيالاتو🎻
بقلمي:أنستازيا
الجزء:3

خدوج(تتقلب فعينيها):لا راجلي بغيتو يكون ليا بوحدي ماشي ليا  ول ثلاتة مني على قلة الرجال

لعربي:وا حني فيا الله يا خدوج رآه البغو هاذا ممعاه لعب رآه نمشي نشرب ما القوادس لا ضاع عليا هاذ الخير أنا

مالت عينيه منين شاف شي وحدة جاية كتمخض معاجبها حال كانت الثانية من عائلة العريس...جبدات ألف ريال من مأمنها السري أو البزطام المتنقل بلللاتها بريقها ومرمقاتها معاه بيها وهي مغددة...جبدات ليه وذنيه تاقلشاتها ليه موحال يعود يمسح وذنيه من بعد دكشي أيولي يهبط بوحدو كي الما:غني زهر الخايبة..

لعربي(فرحان تيجمع فالغرامة مكاين غاهاك بسمالله هاك بسمالله):وااخ آلالة هي اللولة

لحموشية:هادشي بدا يكثر أ العريبي(شافت خدوج كتتسلت جيهة البرزة):أجي أديك الدروبة فين غادا؟؟؟

خدوج:نعاام أمي لحموشية اااااء غادا غير قدام لعروسة نهز معاها القميص تيتمرمد ليها فالأرض وعزاات عليا مسيكنة

لحموشية:يعطيك لغمة وشي دقة لداك الفم قالا مك أنا مك يا لفعة ونتي تولدي عشرة مني هاكيلي هاكاوا عل الشيخة قاتلك مي

لعربي:(ذايب)خدوج أش بان ليك نسبقو الدخلة الليلة

لحموشية:هييييوا يا داك السلكوط جمع راسك وجمع راسك ماشي خاص غا لي ينغزوك حظي حظي كويمينجتك وشغلك بقا حاظينا حنا رآه مصالحينش ليك

لعربي:لحب ومايدير أخيتي الحموشية الحب صعييييييب دبا تجربي دااابااا تجربي قليبي طايب

الحموشية:وااا بردو بديك الكمانجة وديك الحنجرة الذهبية الحمارية

فهاذ الأثناء الشيخة خدوج والشيخة فطيطم لي غير لاصقاها فينما مشاها الله كانوا كيجمعوا الغرامة وهاذي هي أهم مرحلة عندهم فالبحث عن رزقهم

خدوج(جوج شطحات كتكمش ألف ريال فيديها)

بينما الشيخة فطيطم تقدر دير عشرة الشطحات وكثر ومتصورش حتا ربعمية دريال

فطيطم(تقنتات حدا خدوج لي خدامة على راسها):منين دخلنا ويانا حاطة عليه العين ساعة صدق زقرام قادا ليا الجهد ولد الحرام مصالحش

خدوج:عقلي القاعدة رقم ثمنية فشروط الزوج كتقول خاص الراجل مايكونش كونيمة وفيه التقزاز..

فطيطم (خرجات عينيها منين شافت هاداك لي دازت عليه و تزقرم عليها مبغا يعطيها تا ريال عطا ل خدوج مية درهم):هانتي ليك على ولد الحرام من فعايلو دزت عليه قبيلة قالك معنديش دبا ولا عندو الله يرطب ليه الجناب

خدوج:مع خديديج المستحيل بيصير محيل ايوا ايوا(كملات شطيحها)