العربي وعيالاتو🎻مكتملة🎻

🎻الجزء 36🎻

قصة؛🎻لعربي وعيالاتو🎻
  بقلمي:أناستازيا
                        الجزء:36

حليمة:ماشي وقت هادشي أ حسنية هرب قبل ما تشوفك مي هرب سربي

حسينة:(شد ليها فيديها)يا سبحان الله أول مرة نعرف سميتي وسمية حبيبتي كيتشابهوو سبحان الله

حليمة:وااا حسينة هرررب هرررب

حلات السرغينية الباب ديل السطح لي لقاتو محلول وهي مبسمة

السرغينية:كبيدتي الزين الصافي تاعي أجي أبنيتي نبوسك أجي أ عمارة داري

حتا هزات عينيها بجوج وكتلقاوهم واقفين بجوج كي لفيران و حسينة  شاد ل حليمة يديها وهي مجبدة عينيها فالسرغينية كي المصدومة

حليمة بالخلعة و القفزة و الخوف مصابت مدير دفعات حسينة تا طاح فالسطح ديل الجيران جاي على قلقولتو

السرغينية (جمعت الضحكة وشدات على صدرها كضرب و تعاود):ياك أ بنت السرغينية ياك و أنا لي جاية ونقول بنتي أتكون سخفات الزرابي و تمارة بزااف عليها باراكا عليها هادشي منستاهل ياك من عندك هادشي أ بنيتي بقالك غير حسينة المزلوط يدور بيك فالزناقي أدوي ياديك الخانزة

مشات جيهتها جات تجرها من شعرها يالاه جات تجر الدرة د حياتي لي معقدة بيها راسها ملقات لا شعر لا هبو الريح لقات غير الصلعة و هي تشدها من وذنيها وبقات جارة فيها وهي تتقرصها..

فهاذ اللحظة بالضبظ هز حسينة راسو لي تفلق بالطيحة كيطل كيلقا السرغينية كتجر فشي وحدة مصلعة

حسينة: الحمدلله حلومتي نجات(شاف فهاديك لي قرعة) الحمدلله ربي عاطيني حلومتي لي سوالفها واصلين لفخضها كنحمدك أ ربي و نشكرك

السرغينية:أدوي تا ليتك يوكلك الخبز كارم و لا لقيتيه معاه أدوي المصگوعة هاذا منسوا عندك بالحق اليوم غا بيا ولا بيك..