العربي وعيالاتو🎻مكتملة🎻

🎻الجزء 64🎻

قصة؛🎻لعربي وعيالاتو🎻
  بقلمي:أناستازيا
          الجزء:64

واقفة ليه عند راسو وهو ناعس فوق السداري وعوينة مغلفين ليه

مليكة:أويلي قتلو ليا ولدي أويلي مرمدو ليا ولدي أويلي تعداو ليا على ولدو واش جا يتخطب ولا يتخبط الله يا ربي يا رسول الله ا هاذ القوم

السرغينية:وا صافي متزيديش فيه رآه غير طاح عليه الحبق

مليكة:واش طاح عليه ولا شيرتو عليه بيه الله على وليدي الله الله على كبيدتي و طفيلي

السرغينية:لهلا يحييك قالا شيرنا عليه

لعربي: الحاجة الحاجة ما تخافي ما دهشي رآه عمرت ليه الجرحة بالسودانية

مليكة:السودانية اويلي وحدي

ناضت كتجري لعند حسينة...

مليكة:أوليدي كتحس بشي حاجة أوليدي كتسمعني حسينة

لعربي:لا بغيت نقول التحميرة

ضرباتو السرغينية لجنابو...

السرغينية:سكت الله يسكت ليك الحس

لعربي:بغيتي نديرو ليه سودانية الحاجة نديروها ما فيها تا مشكيل

مليكة(كتنوض ف حسينة):كيفما تعديتو ليا على ولدي أنا بغيت ربي لي يتعدا عليكم نوض أوليدي نوض على سلامتك

حسينة(دايخ):حلومتي أنا جيت نخطبك متفرقيش عليا رآه لاتفرقتي عليا أنلوح راسي فالواد

مليكة:هاذ الحالة كاملة بسبابها ومازال كتجبد زيد نتا رآه خاص لي يفلقك بحجرة ماشي غا بحبق حيييد عليا

حسينة كيتمشا بشوي:مي فين مشيتي عليا متنشوف والو مي وا مي صافي منبقاش نجبد ليك سمية حليمة

خرجات مغددة غادة بلا بيه سامحة فيه...