العربي وعيالاتو🎻مكتملة🎻

🎻الجزء 25🎻

قصة؛🎻لعربي وعيالاتو🎻
  بقلمي:أناستازيا
                الجزء:25
                                

وقلبوها تما جنازة قدام لعربي لي غير حال فيهوم فمو وكيتفرج

لعربي:أتا ناري مال هاذو

شوية سمعو الصداع بزاااف جاي من الدخلة د الباب..حتا تفتح الباب بالجهد و دخلو منو التوام بثمنية داخلين كيجريو لي داخلين وگاع حوايجهم عامرين بالرملة فحالا كانو كيتمرمدو فالتراب..وشعرهم واقف للسما مشعكك..

حتا وقفو قدامهم حلو عينيهم بفرحة منين شافو الطبلة معمرة

التوام:ياك أمي هربتينا مبغيتيناش نتنعمو بهاذ الخير و الله مانسمحو ليكم فحقنا يا ناكلو كاملين يا مياكل حد

دخلو بثمنية دايزن جيهة الطبلة وجلسو تيدخلو فدكشي مكاين لا بسم الله لا والو مكاين غير علف علف علف علف

دخلو وراهم السعدية و حليمة كينهجو

السعدية و حليمة:سمحي لينا امي ما قديناش عليهوم هاذو ماشي بنادم هاذو راه عجولة

شافت السرغينية فيهوم ورجعات شافت فالتوام لي ضربو النص فدكشي لي كان  موجد

شدات على عينيها لي بدات كتلعب بوحدها حتا طاحت سخفانة