العربي وعيالاتو🎻مكتملة🎻

🎻الجزء 72🎻

قصة؛🎻لعربي وعيالاتو🎻
  بقلمي:أناستازيا
                            الجزء:72

الحموشية:زيد العربي ونتا فيك قوة الصداعات

شدات ليه فيديه مزيرة عليه وداخلين وقدامهم خدوج و فطيطم دورو عينيهوم وفينما يشوفو شي حد يلقاوه ملتم

لعربي:تي لينا عرس جايبانا ياكما ديل سواعدة ويالا معانا

الحموشية:زيد وسكت رآه بحالي بحالك

زادو شوية كيبانو ليهوم دوك الملتمين بداو يتمسخو ويحيدو فحوايجهم ويبانو الكساوي والعرا عل الفريع دكشي ماشي د المغريب گاع المستورة گاع تلقاها لابسة صاية حد الفخض وكولشي باين وسوتيامات قصار..خرج العربي عينيه مساريهم فيهم

لعربي:أش هاذ الخير

حطات الحموشية يديها على عينين العربي مزيرة عليهم باش ميشوفش

الحموشية:ويلي ويلي

كولهم تصدمو فهاذ الحالة لي شافو عمرهم شافوها ولا وصلو ليها واش هذا عرس ولا بار هزو عينيهوم شوية كيبان ليهوم العريس و العروسة بارزين وماشي أي عريس و عروسة العريس باين عليه سعودي مقطر من لباسو القندورة بيضة أما العروسة لي كولها معرية واصلة لفخضها بشميطات ونص صدرها كيطل معرفنا ديك لي لابسة كسوة عرس ولا شوميز دو نوي

لعربي:قولي ليا فين كان هاذ الخير غير قولي ليا فين

بشوفة وحدة فهاذشي كامل قالو الله أش هاذ الزهر عندنا لي جابنا لهنا

شوية بانت ليهوم واحد المرة صمكة جاية جيهتهوم زيرت الحموشية فلعربي و فطيطم فخدوج

وزادو مع طريق داخلين للداخل

وديك الصمكة طولات الشوفة شحال فلعربي عاد طلقاتو بشوفاتها