العربي وعيالاتو🎻مكتملة🎻

🎻الجزء 74🎻

قصة؛🎻لعربي وعيالاتو🎻
  بقلمي:أناستازيا
                              الجزء:74

من بعيد كانت واقفة ومراقباهم كيدابزو مدازتش ليها حاسة شي سر تما مخبي وخا مسمعت حتا حاجة منين دخلو من الباب وبالها معاهم جرات رجليها و مشات جيهتهوم كتشير ليهوم

خدوج:طلق ليا من تكشيطتي طلق اييي

فطيطم:تفرقو رآه الشوهة جاية تفرقو أويلي

جمع لعربي يديه وعاق براسو..

الصمكة:أشكاين أ لآلة أش كاين أسيدي شتكوم واقفين عند الباب مغدخلوش تشوفو خدمتكم ولا صافي دارت ليكم

جات فطيطم اخضر ساعة عيات متعاود فالهضرة مسمعاتهاش حيث صمكة

دخلو للداخل فالقاعة تا وصلو لحدا البرزة د العريس و العروسة لقاو گاع الماطريال ديل الغنا والموسيقى كاين تما آلات عمرهم شافوهم ولا سمعو بيهم كاينين

لعربي:وهاذي وجيبة جابها مولانا الحموشية جبدي الطعارج بداي تسخني فيهوم راك عارفة هاذ الناس كيبغيو غير السخون وسخني معاك تا بنديرك ونتي أ لآلة خدوج ضربي نتي وهاذ المسلوتة(قصد فطيطم) الطعريجة من ورايا اليوم أنا لي غنكون فالواجهة

جات خدوج تهدر وهي تبتها الحموشية..

الحموشية:سايسي سايسي ليلة وحدة صافي

خدوج:غير على ودك

تحزم لعربي وجا القدام وراه الحموشية وفطيطم و خدوج المهمة التطبال

بدات الحموشية كتغني ولعربي تيشطح ويلوز

الحموشية:الحب ومادار فيا نساني فالسمية ونتا ظالمني

فطيطم وخدوح تيضربو الطعارج على قلبهوم..

لعربي:ونتا ظالمني

دوّز عينيه جيهة الباب ميلقاها غير هي داخلة وكتقلب بعينيها على شي حد..