العربي وعيالاتو🎻مكتملة🎻

🎻الجزء 80🎻

قصة؛🎻لعربي وعيالاتو🎻
  بقلمي:أناستازيا
                                          الجزء:80

السرغينية:زوبيدة أ يزة أفينكم

جاو جالسين تيستاراحو وكرشهم لعند فمهوم حاملين و شهرهوم هذا..

السرغينية:أمالكم؟؟

يزة:مشكينا عليك طلعنا للسطح نشرو كي نشرنا وسالينا شداتنا واحد الدوخة والوجع فدقة

السرغينية:إيوا نتوما لي بقيتو مقاتلين شكون أتحمل لولة شكون أتحمل لولة تحملتو بجوج

السرغينية:خودو ليكم كويس أتاي تقادو بيه المجاج هادي شدي

خداو أتاي وبداو يشربو فيه..

السرغينية:سعدية مبانتش ليكوم

حليمة:أنا أنمشي نعيط عليها

دخلت عليها للبيت ولقاتها مجبدة كتدير تيك توك

حليمة:نوضي تگعدي أديكاه

ترعدت سعدية صحابها مها..

سعدية:هاذي نتيا إيوا عل السلامة منين دفنوه مزاروه

حليمة(كتقلي ليها فالسم):راك عارفة الزواج هذا ومساهلش

سعدية:غير قلي تتعياي مبقاش راسي فهادشي

حليمة:وفاش راسك دبا

سعدية:راسي فواحد الگاوري لاباس عليه باقي فميكتو

حليمة:أحيدي ليه ميكتو ولا يخناز و سيري تنعسي أبنيتي قبل متهرس ليك السرغينية داك الراس

سعدية:رآه باقي صغير ماشي دوك الشراف الگور

حليمة:وفين شفتيه

سعدية:شفتو فتيك توك

حليمة:اويلي وحدي على شفتيه فتيك توك

سعدية:وراه كيدير ڤيديوهات فتيك توك ومتخافيش على ختك مشبعاه جادوغات وكومونطيرات فخبارك واحد النهار دار ليا جيم لكمونطيري كنت غنقز من الشرجم بالفرحة

حليمة:وتي كيفاش فهمك و هو گاوري وأنا عارفاك حاجة وحدة كتعرفي دوي بيها هي الدارجة

سعدية:گوگل فالذمة

حليمة:كتطرجمي من تما عليها وليتي نهار وماطال ونتي خاشية وجهك فداك المشقوف

سعدية:وااا وليت تا أنا كندير تيك توك باش إيلا شي نهار شاف كومونطيرات ويقلب شكون أنا نبان ليه رآه حاطة ڤيديوهات يتفرج فيهوم وغنعجبو

حليمة:وأنا نفهم قولي ليا نتيا متأكدة من راسك زوينة و غتعجبيه؟؟؟