العربي وعيالاتو🎻مكتملة🎻

🎻الجزء 60🎻

قصة؛🎻لعربي وعيالاتو🎻
  بقلمي:أناستازيا
      الجزء:60

غير سمعتها حليمة نطقت القرعة وهي تخلع كثر مني تخلعت بلي عارفاها هي شكون

حسينة:لا ديش عليها أ حلومتي رآه من مغرب ل مغرب كيطلع ليها السكار كيخصها غتغوت

حليمة(شدات على عينيها غتبكي):دبا نتا باغي تسكني مع حناك ياك بغيتيها تشبع فيا عصا ومعيور و تكرف عليا نفني عمري وشبابي

حسينة:و أش بغيتي

حليمة:بغييت داري بووحدي

حسينة(عينيه حوالو):أما هو

حليمة:و نفرشها على ذوقي (وفسحات المجال للأحلام)و يكون فيها صالون كبير للضياف ويكون بابها بالخشب و يكون فيها ربعة د البيوت واحد لولدنا و واحد لبنتنا

حسينة:والثالث و الرابع

حليمة(حطات يديها على فمها حشمانة):الثالث ديالنا

حسينة(حشم تا هو):ديالنا بجوج..و الرابع

حليمة:و الرابع لمي لا جات عندنا

حسينة:و حنّة و مي ؟؟

حليمة:ينعسو فالصالون أحبيبي

حسينة:وعلاش ماشي مك لي تنعس فالصالون وحنة و مي لي ياخدو البيت ولا صافي خرجتي للعيب باقي تا مقلنا بسم الله نكرتي حنة

حليمة(كترطب الهضرة):وا حبيبي مي لا جات كطول الزيارة و نتا عارف لسانها عل القرص لا تكلمت متتسكتش أما حناك فهي غير حناك ماشي مك ومك راه متتكلسش كاع عندكم ياك مشغولة ديما

حسينة:من هادشي كامل مكاين لا داري بوحدي لا والو خوك حازق الدرهم متلقايهش فجيبي خلينا نسكنو مع حنة و مي ولا مك و العاطي الله

حليمة(حطات يديها تاني على وجهها مخبية دموعها بلعاني):ياك أ حسينة ياك دغيا تترجع فكلامك عقلتي النهار لي قلتي ليا فيه لي حليتي عليها فمك تكون ليك ولا نسيتي ها أنا حليت فمي  وشرعتو گاع ومدرتيش بريي هنننن...