قصة؛لعربي وعيالاتو
بقلمي:أنا
الجزء:10
يزة:انا سميتي يزة...ولدت وليد سميتو حمد...وانا من الشلوح (زينها خفيف عويناتها مجبدين عسليين..سمينة..وشعرها كحل طويل..و باين عليها باقا صغيرة)
زوبيدة:سميتي زوبيدة...ولدت تويميات رهف وهرف...وأنا من الجبل(بلقة..وشعرها زعيعر طبيعي و حتا هي باين بلي باقا صغيرة)
السرغينية :تبارك الله السي لعربي طبع كنيتو فكاع المناااطق...اييه ايواا على سلامتكم انا سميتي السرغينية بنت الحاج بوفااسي ومن لا يعرفه...ولدت بنية سميتها طامو وعندي عشرة د البنيات آخرين...
لعربي غير كيشوف ويدور فعينيه...
السرغينية:ايوا نوض نعمر ليكم كويس اتاي
لعربي:من صبااح ويانا نقول دباا تحشم
السرغينية:والله لا دقتيه ولا طااح فكورشك
لعربي:يااك السرغينية هذا هو المضمون فيك
السرغينية(ناضت للكوزينة)
دخلات حليمة للبيت لقات ختها السعدية ضربات المونادا وجمعات وطوات...
حليمة(نقزات عليها)ياك الخانزة يابنت الخانزة شربتيه ياك قلت ليك تانجي ونقسموه بالعبار درتي غير لي تيقول ليك راسك
سعدية:واكان فيا الجووووووع وتوما تعطلتو...رخفي لياا على راسي اييييييي
حليمة (رخفاات)قلت ليك تسنايني
سعدية(زيرات ليها على شعرها) وا جااااني الجووووع يا الجروة بنت الجرو(الكلبة)
حليمة (زيرات ليها على شعرها)ياك ابنت الحرااام رخفت ليك على شعرك
سعدية:رديت ليك تزييرة ديل قبيلا
حليمة:صاافي طلقي راسي طيرتيه يا الخانزة مزيرتش ليك هاد التزييرة كاملة
سعدية:سكتي يا البوهالية...وطلقي ليا من شعري غيرانة من شعري لي مسبسب كي حرير الدودة يا المنتوفة
حليمة:على قولتك يا المدودة
سعدية:سيري تي وجهك متقب كي لبغريرة
حليمة:وتي طفرتيه وجهك مربع فحال الطبسيل
سعدية:كي شتي تي...كمارتك مشتحة (محلولة) كي لفراااح ديل الخبز
حليمة:سيري يا البايرة المغيارة حاسداني على حسينة سيد الرجال
السعدية:كون كان سيد الرجال أصلاً گاعما يسميوه حسينة وهو ما ينفع ما يضر كي حليب الحمارة..
أنت تقرأ
العربي وعيالاتو🎻مكتملة🎻
Romance💎مكتملة💎 ❌حصرية على الواتباد❌ 🌺...تنقدم ليكم سلسلة لعربي و عيالاتو أو محناتو لي غا ترافقكم طيلة هاذ الشهر الكريم لي مطلوب منكم تحبوها كيفما هي حباتكم وجات برجليها تا لبين يديكم ❤️...هي قصة كوميدية قصيرة منّي ليكم هدفها الأول و الآخير تضحكم❤️...
