💎مكتملة💎
❌حصرية على الواتباد❌
🌺...تنقدم ليكم سلسلة لعربي و عيالاتو أو محناتو لي غا ترافقكم طيلة هاذ الشهر الكريم لي مطلوب منكم تحبوها كيفما هي حباتكم وجات برجليها تا لبين يديكم ❤️...هي قصة كوميدية قصيرة منّي ليكم هدفها الأول و الآخير تضحكم❤️...
افييينكم هاه افييينكم ياا الزينااات افيييينكم هاه افييينكم ياالرزينات افييييينكم هاه افييييينكم ياا الحادكات افيييييينكم هاه افيييييينكم ياا البناااات افييبيينكم هاه او الله يرزقنا زهر الخاايباااات(مباشرة من بعدما كمل أخر كلمة تهز القيطون بلي فيه بهزة ترمية عائلة العروسة فعائلة العريس وتقلب العرس لمكارعة دقة فعائلة العريس ودقة فعائلة العروسة...تخشى الطاقم الموسيقي تحت الطوابل خوفا من شي ضربة غير متوقعة)
لحموشة:الله يا مولاي عبد الله
لعربي:جبدي ليا لميكة الكحلة لي خطفتي بزربة(جبداتها ومداتها ليه بصمت)...خرج من تحت الطبلة غافلهم وهوما ملهيين فبعضياتهم ومشى لواحد الجهة فيها الطوابل عامرين بالماكلة وجلس يخشي ففمو وفالميكة دغمة ففمو ودغمة ففم الميكة..ممسوق لحد هو هاذ الغرامة لي ضرب فهاذ العرس معتبرة عمروا ضربها فتاريخو مع الكمانجة من سنين..عائلة العروسة غير شافوه و تايبغيو يتراماو فيه ويشدوه يدخلوه معاهم يكرموه تاهو وكيشدوه عائلة العريس....
ايوا كلا لعربي تابدا غا ساير و يتكرع...ختمها بكويس العسير وعقد الميكة لي دار فيها الميكلة ومشاا جيهت الطبلة لي مخشيين فييها
لعربي:اتومااا خرجو يالاهو فيحالاتنا باغين تاكلوها ولا كتساينوني ناكلها ؟
لعربي:ازيدو هاد المرة ايكرمو المجمع كامل زييدو(صوت الكراسة كيتشايرو)اهياويناا زيدو رآه دبا شوية انوليو نطيحو بحال الزبيييب(نقزو الكراسااا لي كانو تيتشايرو على بونت يجيو فيهوم كونما نجاهم الله
وأخييييييييراً خرجوا سالمين من القيطون لي راب و العروسة والعريس لداخل معاهم الداخل والعائلة لي باقي صوتهم كيتگارعوا تاهوما بقا ساهي تا فرفروا التيليفون لي صونا للعربي:اشكون تايصوني عوتاني فهاد المشقوف(معرف منين يشد)...(دوز البوطونة الحمرة وهو گاعما فراسو رآه قطع عند بالو دوز الخط)يا لو شكون معايا
كيدوي مكيسمع حد
الحموشية:شكون؟
لعربي:غير شي ولاد الحرام تا يتفلاو على عباد الله الله يخليهم
عاود صونا التيليفون...هاذ المرة دوز الخضرة
لعربي:مالكوم أولاد الحرام كتعيطوا وتقطعوا معندكمش فلوس تعبيئة كولوها يا الزقرامة
الممرضة:السلام عليكم
سمع صوت أنثوي نطق وهو يسيح:بنات الحرام هاذو ماشي ولاد الحرام لي دارو فيا هاذ الحالة
تعاليقكم😍🌺🌺
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
