العربي وعيالاتو🎻مكتملة🎻

🎻الجزء 22🎻

قصة؛🎻لعربي وعيالاتو🎻
  بقلمي:أناستازيا
                  الجزء:22

ناضت السرغينية كتجري تلقات ليه بالحليب و التمر فحالا ملقياها للعروسة

السرغينية:نهار كبير هذا لي القايد عيسى بوفاسي مشرفني

كان راجل طويل..شعرو شايب..عينيه كحلين حرشين..وحواجبو فيهوم زغيبات د الشيب..عندو لحية طويلة واصلة تا للخر دعنقو..وجهو مكمش شوية..وهاز تسابيح فيديه غادي و يستغفر..

مد عيسى يدو وهز تمرة وهو مخنزر متعرفو ضاحك متعرفو حازن ديك العقدة ممفارقة وجهو
                                         
السرغينية:سعداتي وعلاش منكونش فرحانة وبا جاي لعندي..زيدك تمرة

دار ليها لا بيديه وشاف جيهة لعربي لي جالس ومبسم بزز منو..وهو يخنزر فيه

شاف جيهة السرغينية و دوا:هذا مغيجيش يسلم عليا شتو باقي جالس

السرغينية:لا أبا ايسلم عليك قالا (شافت فالعربي وخنزرات) لعربي زيد تسلم على باا

ناض لعربي و القفقافة شاداه من صبعو الصغير

لعربي:مرحبا بيك مرحبا بيك الدار دارك

الحاج:وراها داري على نتا عاد أترحب بيا ولا كيفاش?داري ندخل لي بغيت (طول شوفة فلعربي) ونخرج لي بغيت

لعربي:ايه الحاج على عاد أتقولها كولشي ديالك