العربي وعيالاتو🎻مكتملة🎻

🎻الجزء 21🎻

قصة؛🎻لعربي وعيالاتو🎻
  بقلمي:أناستازيا
              الجزء:21
                         

فنفس المكان قدام طبلة معمرة بالماكلة من الشكال و النواع..

جالس لعربي و حداه السرغينية لي لابسة أحسن ما عندها و ملبسة لعربي تاهو و مرزماه...

لعربي و لي گاع وجهو مزرق فحالا معنف..أحسن لباس جبداتو أحسن فراش فرشاتو..

تكشيطة فالزرق المغلوق مرشوشة بالسقلي الأبيض مع درة مذهبة فالذهبي البيض وحداها لعربي ملبساه جابادور فالباج مع تارازا فوق راسو جا فحال هاذوك لي كيكبو أتاي فالدخلة د الرياض..طبيعي و باها لي الهمة جاي يزورها القايد عيسى بوفاسي و من لا يعرفه..

و الصراحة لي معرفو نجا..

راجل قاصح كيف الصخر..من سميتو تخنق النفوس..قويفز و ذكي..وخا شارف باقي كيف الجبل

ضرب عليه بعينيه لي وحدة مزرقة فيهوم ولاخرا منفوخة وهو كيحل لباب بالساروت دارو عندو سوارتها و هو لي مولاها مسكين معندوش..

لعربي(فنفسو):ها خوك وصل

غير شافو كحل بالعما فحالا شاف شي جن..راجل وخا كبير وشعرو شايب شاد فراسو ومن ملامحو باين عليه الهمة و الشان العقدة د حجبانو تطيح فيك النص أما الشوفة فيه الله الله..دخل كيتمشا بمشيتو الثقيلة و لعربي متبع معاه..