العربي وعيالاتو🎻مكتملة🎻

🎻الجزء 13🎻

قصة؛🎻لعربي وعيالاتو🎻
  بقلمي:أنا
  الجزء:13

لعربي:كيفاش لاين زوينة هادي ولاو العيالات يتحكمو فالرجال ولا؟؟

السرغينية:هيييه جمع راسك سولاتك جاوبها ولا ميعجبك حال

لعربي:للبراكة(نطق معصب وتم خارج تقاطعاتو صوت يزة)

يزة:جيب معاك عشرة لباكي ديل لي كوش

لعربي:شنو عشرة لباكي...(تيندب)اويلي شدرتانا اربي شدرت

السرغينية:عاودها للي بين فخاضك المهم عشرة الباكي يوصلو

لعربي(خرج وزدح الباب وشد طااكسي)

لعربي كيخمم في امان الله شوية تيسمع البيبان ديل الطاكسي تيتسدو دار يشوف تيلقاه مول الطاكسي ديل ديك المرة

مول الطاكسي:حصلتي يا البانضي ديك المرة عتقاتك حلوفتك هاذ المرة مكاين اللي يعتقك اتحط 100 درهم ولامغيعجبك حال

لعربي(تيتمتم)كون هاني غير وصلني ونعطيك لي بغيتي..هذا مول طاكسي ولا كيگريسي فعباد الله

مول الطاكسي: أش قلتي

تبسم لعربي:والو والو

مسافة الطريق وكانو وصلو للبراكة..

لعربي حل الباب بغاا يخرج
 
مول الطاكسي:تسناا(هبطو وشدو من يديه شدة العمة فالظلمة ودخلو للبراكة)

لي كانت كي شي قفز بيت واحد جامعين فيه گاع الخبيج ديل الدار ماعن الحوايج كولشي و واحد لكوزينة مشروكة مع طواليط تحشم تقول عليها كوزينة زريبة صافي فيها عشرين سنتيم دخلة وخرجة ويالاه تكفا وهي مسطوكية بالربيج مسدودة گاع متيدخل ليها حد..الدار كاملة مافيها تا شرجم منين يتفوه بنادم يالاه واحد الشرجم صغير مربع تيدخل شوية د ضو أما مخاصوش يكون گاع أش غتشوف منه المناظر الخلابة..تشوف غير شي قادوس فايض توصلك ريحتو واصلاك واصلاك أصلاً غتشمها غتشمها متي ولا حييتي...ولا تشوف شي مقاتلة فالقوادس شي كيغرق شي..ولا تسمع صداع البز..ولا شي كاميو دايز يبرزط نعاسك ونتا أش بغيتي بهادشي..

لعربي:(تيغوط) لحمووووشية لحموووشية