قصة؛🎻لعربي وعيالاتو🎻
بقلمي:أناستازيا
الجزء:39لعربي:أطلقي أ صگعة طلقي راك غتقتليني طلقي
خدوج:عقدتيني فحياتي كرهتيني فالرجال وما يجي منهوم
لعربي:طلقي رآه غنموت
خدوج:موت أخويا و هنينا منك وخا غير مرة وحدة غير مرة
لعربي:طلقي طلقي أ صگعة طلقي..
##
عيات زوبيدة و يزة كيتجارو معاها باغين يفكوهم ساعة والو جندخاتهم تا رداتهم طايحين فالأرض عطاتهم قتلة د الكلاب بردات غدايدها...
السرغينية:أنا لي خايفة بناتي يهربو عليا ساعة هوما لي غيهربوني و يخرجوني حمقة مطلعتوش سويهلات
شوية سمعو شي صوت كيعيط
****:واش كاين شي حد مساكن تا حد هنا و لا كيفاش منين جاي هاذ الصداع إذاً
طلات يزة من السور ديل السطح
يزة:شنو اختي ممساليينش عندنا واحد الحرب؟؟
****:كيفاش أختي ؟؟
يزة:أش بغيتي؟
****:واش هاذي هي دار السرغينية
يزة:هاذي الدار د السرغينية و ليني السرغينية ممسالياش
****:عفاك أ ختي لا قديتي تعتقيني بالتومة يالاه كي سكنت اليوما فالدار لي حداكم رآه حنا جيران
يزة(نيشات ليها بصبعها)شتي داك الهري راهو لي فدخلة د ديك الزنقة
****:اييه شتو
يزة: رآه عندو شوية د التومة و تومة بلدية إيوا سيري الله يعرضك السلامة اختي ...
أنت تقرأ
العربي وعيالاتو🎻مكتملة🎻
Romantik💎مكتملة💎 ❌حصرية على الواتباد❌ 🌺...تنقدم ليكم سلسلة لعربي و عيالاتو أو محناتو لي غا ترافقكم طيلة هاذ الشهر الكريم لي مطلوب منكم تحبوها كيفما هي حباتكم وجات برجليها تا لبين يديكم ❤️...هي قصة كوميدية قصيرة منّي ليكم هدفها الأول و الآخير تضحكم❤️...