العربي وعيالاتو🎻مكتملة🎻

🎻الجزء 85🎻والأخير🎻

قصة؛🎻لعربي وعيالاتو🎻
  بقلمي:أناستازيا
                                              الجزء:85

بعد أسبوع.......

دخل لعربي كيجري لعند السرغينية لي كانت جالسة مربعة فالصالون كتنقي الزرع

لعربي:السرغينية

السرغينية:تا قول أ سلام عليكم قفزتينا

لعربي:سلام عليكم

السرغينية:شنو بغيتي

لعربي:السرغينية بغيت نكمل ديني

السرغينية:مرحبا ها أنا رد ليا الألف و تمنمية لي كمدت ليك ديك النهار و فلوس القرعة لي عطيتك وفلوس عرس حليمة لي حطيتهوم من جيبي

لعربي:وااا ماشي داك الدين

السرغينية:وإينا دين فالديون

لعربي:بغيت نتزوج

السرغينية(ملهية مع الزرع):ايييه الله يكمل عليك بالخير شكون هاذ زينة السمية

لعربي(فرحان):نورة جارتنا الجديدة

السرغينية:وهي قابلة؟

لعربي:قابلة وموافقة

السرغينية:إيوا الله يكمل بالخير

كانت كتنقي الزرع وكدوي بلا عقل عاد سرات معاها وحطات الصينية ديل الزرع

السرغينية:عاود عاود شنو بغيتي

لعربي(تدهش):بغيت نتزوج

السرغينية:وبشكون ؟

لعربي:بنورة جارتنا ظريفة ديك البنت هههه

تحنات وهزات بلغتها وشيرات عليه

السرغينية (معصبة):لعربااااااااااااااااااي

و إنتهت...