العربي وعيالاتو🎻مكتملة🎻

🎻الجزء 23🎻

قصة؛🎻لعربي وعيالاتو🎻
  بقلمي:أناستازيا
                الجزء:23

مد الحاج يديه للعربي باش يبوسها ليه

شافت فيه السرغينية و قرصاتو باش يبوس ليه يديه

تحنا لعربي وباس ليه يديه وهو فنفسو مكرهش يعضها

الحاج:مزيان

السرغينية:دخل أبا مرحبا  بيك

...

جلسو على الطبلة مجمعين..شوية وهو يشوف الحاج فلعربي و حقق فالضرابي

الحاج:شكون زرق العينين لهاذ كحل السيفة

لعربي(حنا راسو غيبكي):بنتك أ الحاج بنتك معدية عليا و معدية ليا على حياتي قتلاتني بالعصا ومخلات فيا تا عظم صحيح هانتا مقادر تنوض من بلاصتي غير تنعرج مقدرت ننوض من الفراش غير سمعتك جاي و قلت و الله تا نوض حشوما
                                                           
شافت فيه السرغينية تتغمز وتقرصو باش يسكت و والو..

الحاج:وعلاش ضرباتك?

لعربي;على والو غير قتليها نوضي وجدي مبغاتش تنوض عاودت قلت ليها نوضي وجدي الغدا و سلخاتني (تيوريه الطبايع د ضرب) هانتا هاذ الضربة راه بالگوشية عارف ديك الكوشية عندها كي دايرا