العربي وعيالاتو🎻مكتملة🎻

🎻الجزء 20🎻

قصة؛🎻لعربي وعيالاتو🎻
  بقلمي:أنا
                    الجزء:20

السرغينية:أشهداشي

لعربي:القفة !

السرغينية:هاذي قفة هاذي

خواتها من دكشي ورماتها ليه فوق راسو وشداتو من حوايجو كدي فيه وتجيب..

السرغينية: كتفلا ليا عليا يااك هاذي هي التقدية انذب حناكي بطاطة و جوج عريشات د القزبر و بزقة ليقامة تااادوي

لعربي:تي راك مشفتيش مزيان رآه جبت ليك تا ميطيشة و بصيلة

قجاتو..

السرغينية:ميطيشة و بصيلة ياك

لعربي:اه و حتا الزيت

السرغينية: شحااااال و أنا ساكتة ليك أ لعربي و ليني دبا مبقالي سكات معاك واقيلا توحشتي العصا

لعربي:لا لا لا لا السرغينية لا

دفعاتو تا طاح فالأرض..هزات عليه عصا الكراطا

لعربي: لا لا لا لا

السرغينية:بانلي من العصا د البارح متعلمتي والو

لعربي:غي هاذ المرة غي هاااذ المرة

السرغينية:قلتي هاذ الكلمة مرات مكاينش لي غيفرقك مني ليوما

هجمات عليه بالعصا كتضرب من نيتها..

السرغينية:على آخر يامي تشوهني مع با و تردني مسخوطة الوالدين وشكون با الحاج بو فاااسي لي يتزعزع بسميتو الجبل

لعربي(عرف راسو مقفرها مقفرها زاد قفرها):سيري أنا بغيت داك الجبل يريب عليك نتي وياه طيحو متنوضو وميلقاو تا فرتيتة منكم نجيب الشيخاات أنا ديك الساع و ندردگ على قبرك

السرغينية:غا وجد راسك أسي لعربي مضربتيش حسابك هو هاداك..نتا ليوم غتسبقني وأنا لي غندردگ على قبرك شدوووووووني عليه (وطارت عليه)