العربي وعيالاتو🎻مكتملة🎻

🎻الجزء 71🎻

قصة؛🎻لعربي وعيالاتو🎻
  بقلمي:أناستازيا
                          الجزء:71

نزلو من الطاكسي كينفضو فتكاشطهم و مول الطاكسي حاضي غي مع باليزة لعربي

مول طاكسي هااح عل الزين البلدي أديك الغزالة دوري وشوفي فينا راني فالزنقة سبع وفالدار مشيش وفالفراش بغل

دار لعربي جيهتو طاير عليه قاجو

لعربي:فالزنقة سبع يا الضبع أدوي مابنت ليك غير أنا مابنت ليك غير أنا ماحشمتيش قدك قد جدي دوي ياوجه العصا

جات الحموشية وفطيطم كيفكو..

الحموشية:أطلق العربي واش تسطيتي

فطيطم:طلق العربي طلق

وبصعوبة قدرو يفكوه وطلق لعربي من مول الطاكسي

لعربي:جيتيني  فوقت آخر أما والله لبوك تا مصارنك نخرجهوم ليك قالك سبع يهنشرك نشاعلله

مول طاكسي وهو مقجوج وكيكح:سمح ليا أخويا سمح ليا

فطيطم:واتا زيد أوا رآه تعطلنا

خدوج غي واقفة معاكم وقاطعة اللغا و تأفأف ومنثرة بوحدها معاجبها حال

لعربي:مالكي منثرة علينا ياكما بغيتينا نجيبوك فالعمارية راحت يامك أمادام خدوج وجات يام سيك لعربي ألالة خدوج گااااع دكشي لي درتي ليا غيرجع ليك ومعاه الزيادة غي وجدي راسك يا الصگيعة(بدا تيكركر)

خدوج(مغددة مابغات تنطق بحرف صقلت وحدرت راسها وزادت)

لعربي:قاتلك يا أنا يا هو شتك جاية أختي ياكما غضبانة حيث متسوق ليك حد بغيتينا نرغبوك ونبوسو يديك ورجليك