العربي وعيالاتو🎻مكتملة🎻

🎻الجزء 69🎻

قصة؛🎻لعربي وعيالاتو🎻
  بقلمي:أناستازيا
                    الجزء:69

لعربي:واقيلا هاذ الزرق لي فوق عيني مجاش زوين لكحل حسن باش يمشي مع كلشي ولي لبستها تجي معايا ويلي ويلي عليا

ناض كيتعيوق دافع جوج عضيمات العنب ديالو و مخرج الكرموصة..وقف قدام المرايا وبدا يخمج فوق عينيه ويغني تا ولا كي حمار الليل

لعربي:الليل يا الليلاه أعمري ليلاه ليل يا ليل أعمري ليلاه ارحتي وخليتيني أعمري ليلاه

ربعو يديهوم بجوج و جلسو يتفرجو فالحالة

لعربي:ويلي أ العيالات واش باقي موجدتوش بغيتو نتعطلو على العريس و العروسة يقولو هاذي ماشي خدمة العيالات الحرات ياك كلنا عيالات واه ماناشاي من غيركم وتحركو حلقو عل الحالة

هز صبعو فوجهم..

لعربي:ولكن متحلقوش بزاف أصلاً وخا et بحوجات متوصلونيش كنبقا أنا هي الرئيسية ولاهيلا يحلقو عل الحالة قالك والله إيلا شي مرات كنقول شي هضرة أنا براسي مكنفهمهاش هههه

فطيطم:الشريف

لعربي:الشريفة الله يخليك وتزيدي كلمة ندير صبعي فوذنيا ونوريك الشريفة علاش قادة

خدوج:فيق اسييه فيق شتك كذبتي الكذبة وتيقتيها جمع راسك و ترجل معانا راك راجل ماشي مريوة

لعربي:ويطول الزمان على عينيك قالا شفت هازة فقلبك من جيهتي ولا غرتي مني وغرتي  من زيني كيف طلع يا المخيبيعة

خدوج(لاحت التكشيطة من يديها):لا  صافي سطووب تا لهنا وسطووب يا أنا يا نتا واحد فينا غيمشي لهاذ العرس

لعربي:بشوية عليك لاطرطقي تاحد مابزز عليك تمشي وحط ليك السيف على عنقك وهاذ التكشيطة لي رامياها تا تكوني نتي مولاتهاو نتي لي مخيطاها عاد حطي عليها يديك