العربي وعيالاتو🎻مكتملة🎻

🎻الجزء 58🎻

قصة؛🎻لعربي وعيالاتو🎻
  بقلمي:أناستازيا
  الجزء:58

ديك الساعة طارت شادة فوق راسها مخبياه و مع الظلام مبانش مزيان بخفة جرات ليه الزيف ورداتو فوق راسها بزربة معرفاتو عاق ولا معاقش

حليمة(مخلوعة):حسينة شفتي شي حاجة؟؟؟؟؟

حسينة:حلومتي فين هو سالفك

حليمة:دايرا باتشا دايرا ليه باتشا

حسينة:وعلاش مخليتينيش نشوف سالفك

حليمة:حسينة كنقولك ألف مرة متبقاش ضحك معايا بهاذ الضحك الباسل

دارت راسها راجعة فحالها مقلقة..

حسينة:صافي أحلومتي منبقاش نعاود غير متقلقيش ليا مصحبانيش أتقلقي

حليمة:حسينة بغيت نقول ليك شي حاجة

حسينة:قولي أ حبيبتي قولي

حليمة:بغيت نوريك شي حاجة

حسينة(فرح):ياكما غتوريني سالفك أ حلومتي

حليمة(دغيا قلبات الموضوع):خاصك تجي لدارنا

حسينة:شنو ؟؟؟

حليمة:كيفما سمعتي سعدية ولات عايقة بيا وراها وشات بيا لبارح و كليت سلخة د الكلاب أنا وياها

حسينة:الله على حلومتي الله سامحيني أنا السباب لا ماسامحتيني أنلوح راسي من هاذ السطح معندي حد من غيرك

حليمة:متلوحش راسك أجي لدرانا ولا متبقا تعرفني ما نعرف گاه خيطنا فالدروبا مخلينا تا زنقة ما دزناها صافي باراكا..