العربي وعيالاتو🎻مكتملة🎻

🎻الجزء 50🎻

قصة؛🎻لعربي وعيالاتو🎻
  بقلمي:أناستازيا
                                              الجزء:50

السرغينية (هضرة د بزز وضحكة خضرة):اييه متكون ليا غي على خاطرك

ناضت على وعدها وسعدها تعمر بانيو د الما باش تكمد ليا رجيلاتو و زوبيدة مشات للكوزينة توجد ليه دكشي لي بغا و يزة تجبدات حداه

غمض لعربي عويناتو وتجبد شوية شافها مجبدة حداه..

لعربي:أ نوضي تقعدي هااه واش أنا قلت ليك تجبدي حدايا زيدي وكليني الديسير

يزة:وخا وخا (مدات يديها وهزات طبسيل الديسير هادشي كامل وناسييين هاديك السخفانة لي تما)

هزات وبدات توكل فيه دغمة ليه و دغمة ليها و هو باقي معاق بيها..

شوية وتمات جاية السرغينية هازة سطل الما تحنات وحطاتو ليه لتحت رجليه وناضت

لعربي:شتك نضتي رجليا غتغسلو بوحدهم

تحنات على وعدها وسعدها وبدات تتغسل ليه فرجليه..

لعربي(كيدوي على يزة):وكلينا ديسير نتيا

يزة:هانا يا الحبيب هانا كول ليا مع راساتك

تقعد لعربي ومشات عينو للطبسيل

لعربي:اهييااا شفت طبسيل خوا واش تي تتاكلي معايا ولا شنو طلقي داك الطبسيل طلقي

يزة(وفمها عامر ديسير):صافي أنا أنبقا نوكلك صافي

لعربي:قلت ليك طلقي نتي ميصلاحش ليك هادشي

حيد ليها الطبسيل وخلاها جالسة كتمضغ

لعربي:شتك تجبدتي ليا تما اجي لهنا ديري ليا ماساج لعظامي

يزة:شناهو هذا تاني

لعربي:ماساج ماساج

يزة:شي حاجة كتكال

________

هاذ يزة لي ضربها ضربها على كرشها😂😂😂