قصة؛🎻لعربي وعيالاتو🎻
بقلمي:أناستازيا
الجزء:79
حليمة:خدام أمي
السرغينية: الحمدلله عشت النهار لي نسمع فيه حس الخدمة من جيهتو
حليمة(تضحك بوحديتها):وراه أمي ترجل كثر من اللول قالك ولادي أنصرف عليهم راسي
السرغينية:على فين عمرو كان راجل
حليمة:ومالو أش كان
السرغينية:كان أ هبيل ونتي تابعاه گاع الزناقي ضرتوهم
حليمة:وصافي أمي ماتحكيش عل الضبرة ياك فاللخر تجوجنا وقبل عليا
السرغينية:تجوجو جنية قالتلك يقبل عليك قولي قبلتي عليه وهو لا خدمة لا هم يحزنون شعر مالو أش غيدير ليه أيوكلو وهو يضور بالليل وبالنهار مولات السالف مولات السالف شوفي شعرك دبا كي طوال و زيان
حليمة:وماتقوليش عليه هاكا أمي راه خاصنا نولدو ولادنا باش يكبرو معانا
السرغينية:يكبرو معاكم ونتوما غير الشارف على ختو أنا مني كنت قدك كنت والدة التوام كاملين بيهم وخا هكاك حسينة جاني ولد الناس ويستاهلك خاصو يبعد على داك البلا د الگارو
حليمة: متخافيش أمي رآه واعدني أيحيدو
السرغينية:إيوا دبا نشوفو
حليمة:مي
السرغينية: نعااام
حليمة:مي باا علاش ناض من بلاصتومني جيت ياكما مبقاش حاملني مني تجوجت بحسينة هننن
السرغينية:سكتيني من التهرنين رآه غير حشم وناض ونتي متحشمي مترمشي جاية قايلاها ليه فوجهو كون قلتيها ليا أنا بعدا نعرف كيفاش نقولها ليه راك عارفاها هاذ ليام ثاب ورجع لطريق الله من آخر عرس د ديك المرة
حليمة:ممم إيوا الله يقبل منو
أنت تقرأ
العربي وعيالاتو🎻مكتملة🎻
Romance💎مكتملة💎 ❌حصرية على الواتباد❌ 🌺...تنقدم ليكم سلسلة لعربي و عيالاتو أو محناتو لي غا ترافقكم طيلة هاذ الشهر الكريم لي مطلوب منكم تحبوها كيفما هي حباتكم وجات برجليها تا لبين يديكم ❤️...هي قصة كوميدية قصيرة منّي ليكم هدفها الأول و الآخير تضحكم❤️...
