العربي وعيالاتو🎻مكتملة🎻

🎻الجزء 18🎻

قصة:🎻لعربي وعيالاتو🎻
  بقلمي:أناستازيا
                الجزء:18

كان كلشي مجبد فبلاصتو مستفين كولا و فبلاصة كي باطات السرديل و ريحة البيصارة مخلطة بريحة العرق وريحة الرياح معطعطة فالبيت ومع الصهد و الجو سخون وهوما مغطيين فملايات البرد الدخان قريب يخرج من البيت غيرناعسين وكيتنهدو..

لاحت حليمة وهي وسط نعاسها رجلها فوق كرش سعدية لي مسرحة كي الميت تاهي ناعسة..ووراها  رمات سعدية تاهيا يديها جيهة وجه حليمة تا طرشاتها..تا فنعاسهم مدابزين..شوية تلاحو على بعضياتهم معنقين بيديهم ورجليهم وهوما ناعسين..

لي شافهم هوكا محابين يقول هنا نبات غير ينوضو ويشوف الحيحة لي غتزند..من صغرهوم هكا مفمفاهمين ممخلين لي يتفاهم منين كانو صغار وهوما تيغيرو من بعضياتهم ومكيتحاملوش سعدية كانت تغير من حليمة حيث كانت هي الصغيرة وكانت سارقة گاع الإهتمام من العائلة وحليمة كانت كتغير من سعدية حيث كان شعرها رطب من شعرها وبقاو هكا حتا كبرو وكبرات معاهم ديك الغيرة و لاكن متوصلش للكره بقدما تيغيرو من بعضياتهم بقدما كيبغيو بعضياتهم وهذي حقيقة باينة وخا يعياو يخبيوها أتبقا باينة

مسرحين حداهم التوام بثمنية بيهوم بيهوم تا هوما ناعسين معانقين حتا قفزو كاملين من ورا مسمعو صوتها فحالا وقف عليهوم عزرائيل.. حطات يديها على جنابها وطلقات حلاقمها للغوات والنگير كضرب فالباب فحالا فالعرس

السرغينية:واااش توماااا باقيين ناعسيين ليااا هناااا ولااااا وا توومااا نوضوو أسيادنا نوضو خليو للهوا منين يدوز وحلو عليا هاذ الشراجم رديتو ليااا هناااا كورييي و طلعو هاذ الزربية للسطح تحاماو عليها

نطقو التوأم كاملين بصوت نعسان:و فيناهما الخدامات لي جبتو بولادهم مالهم محنيين

السرغينية:هايهاي على الصالوبارات تحل ليهوم الفم(سلتات نعالها وشيرات بيه)منايضاتش ولا ؟؟

نقزت حليمة وقالت:
حليمة:لا أمي ها حنا نايضين دبا

السرغينية:إوا مزيااااان