العربي وعيالاتو🎻مكتملة🎻

🎻الجزء 66🎻

قصة؛🎻لعربي وعيالاتو🎻
  بقلمي:أناستازيا
              الجزء:66
             
شد حسينة على عوينتو بالحس و دردب مع الباب..

لعربي:وا تا أجي خودليك غير وحيدة اجي ما دا لا هاذي لا هاذي

______________________________________
عند حليمة و سعدية لي مشاو يكملو سهرة المدابزة فالبيت مشادين...

حليمة:ليوم بيا ولا بيك عينك فحسينة اليوم نثقب لبوك ديك العين ليوم

سعدية:ها هي عوينتي ها هي ولا وصلتي لوذنيك عضها بغيتي ديرو ليا كيما درتو لحسينة مسكين فشيتو ليه العين والقلب

حليمة:كولشي منك يا اللفعة الگرطيكة كولشي منك

سعدية:مالي أنا لي صلعت ليك يا المصلعة ولا أنا لي كذبت عليه وقلت ليه رآها مولات سالف ياك أنا وريتو غير وجهك الحقيقي يا الكذابة

حليمة:وريتيه وجهي الحقيقي و أنا ليوم نوريك وجهك فالمراية..

بقاو تا يتراگعو تا عياو وگلسو يستاراحو..

______________________________________

هزت تيليفونها العظيم ودوزات ليه الخط وهي كتصغر فعويناتها..

فبلاصة خرا وصلو إتصالها هز تيليفونو و بعّد شافتو السرغينية وكحلت بالعما تا تجري تابعاه

لعربي:ياااالو شكون نتيا منهوم

سمعاتو السرغينية وشدت على فمها..

السرغينية (بالحس):هي عندك بزاااف يا الغديدير

الحموشية:تا ناري دغيا نسيتيني أنا خيتك وحبيبتك و صحيبتك الحموشية نسيتي العشرة

لعربي:حبيبتي و صحيبتي يا الغدارة عزيتي فيا دارك لي هي داري و أنا فالحزة خليتيني بايت مع ديك الملهوطة د السرغينية كل شوية نتشرش نقول صافي أتسيف عليا..