العربي وعيالاتو🎻مكتملة🎻

🎻الجزء 55🎻

قصة؛🎻لعربي وعيالاتو🎻
  بقلمي:أناستازيا
                                                  الجزء:55

مشا تيجري لصق ليها فدراعها

لعربي:ديني وغبريني عليه راه معديين عليا ومشبعيني عصا رأفي عليا ويلا عندكم تما شي جمعية لحقوق الرجال المعنفين دخلينا ليها يعطيك الستر يسترك

شافت فيه السرغينية و خرجات عينيها و تمات جاية جيهتو...

لعربي:هربيني قبل متبدا

الجنية عفوآ نورة🙂:أ طلق مني أ سيه وبزاف عليك تا نكون جنية (هربات يديها وتمات خارجة)زوينة هاذي

لعربي كيشوف السرغينية جاية لجيهتو:اتي جي جي لمن خليتيني للكلاب يهنشرو لحيماتي

شاف السرغينية قربات ليه و هو يتدهش و لحمو تبورش..

لعربي:أ كنبسط معاك مرتي العزيزة عزيزة عليا و متتحادينيش إيلا لا زبلتها و أصلاً هي ضربني و ما تخلي لي يضربني

السرغينية (كدوي بالمهل):عارف راسك بلي زبلتيها

لعربي(همهم براسو):و طالب غفرانك أنا

السرغينية (شمرات على دريعاتها):وبلي حتا لحمك توحش العصا

لعربي:ها عار البزيزيلة غي هاذي دوزيها بجغيمة الما

السرغينية (حطات يديها على حلقها):مبقاتش تا دوز ليا مبقاتش

ترمات عليه لايحة ثقلها عليه تا مقد يتحمل وطاح للأرض...طارت لوذنيه وعضاتها تا طوش الدم وجرات ليه گاع الزغيبات لي بقاو فراسو بالنتيف تا قراع

يزة وهي كتجغم من كاسها..

يزة:فكها يا من وحلتيها..

___
إيوا فكها😂😂