العربي وعيالاتو🎻مكتملة🎻

🎻الجزء 78🎻

قصة؛🎻لعربي وعيالاتو🎻
  بقلمي:أناستازيا
                                      الجزء:78

بعد ساعات كانو سالاو خدمتهم وجات وقيتة العشا أشمنك يا بساطل أشمنك يا حوالا مشويينشش أش منك يا ليگلاص أش منك يا حلوة أش منك و أش منك دكشي د بووووم لعاقة

يالاه كانو تيحطو الماكلة كانت داخلة العروسة لي كانت باين عليها مغريبية بربع ثويب ديالها شادة فيدين راجلها ودايزين على الطبالي بقا تابعها لعربي بعينيه وتابع كرمتها لي خارجة وخا باينة شابعة ليباري متبع متبعها ويبلع فريقو

لعربي:والله إيلا داا الزين

الصمكة:شدوووووووووه راجل شدوووووووه دارها بينا شدوووووه

دور وجهو منين حس بشي حد كيجرو من گاع البلايص دور وجهو كيلقاها الصمكة شوية بداو يتجمعو عليه عباد الله محطوه قطعو ليه تكشيطتو وحوايجو تا من البونج لي دايرة جبدوه ليه قدام عينو حيدو ليه الدرة لي كان ساتر بيها راسو وأراك للتمرميق فديك الصلعة أما واحد الماكياج ولا كي صباغة شديتي وجهو ودلكتيه خلاصة مبقا فيه ميتشاف..

سمعت السرغينية الصداع لي كانت باقا برا ودخلات تتجري بانو ليها مجمعين شافت تكشيطتها مقطعة دخلت تاهيا تتدابز

_____________بعد مرور شهووور____________

جالسين فالصالون كيف عادتهم على واحد البراد حتا دخلت عليهم حليمة كي ريح كتجري وفهاذ الشهورة شعرها طوال و تسبسب

حليمة:مي با

السرغينية:يعطيك الغمة

لعربي:يعطيك حبة

حليمة:أنا أنا

السرغينية:أش كاين أديك المصوفجة

حليمة (حطات يديها على كرشها):أنا حاملة أمي أنا حاملة أ با

لعربي:الله يمسخك يا الماسخة لاخرا حاملة تحملي باللفاعي نشاعلله

ناض مگعد جامع الوقفة..

السرغينية:أويلي حيي توما مالكم شاعلة فيكم العافية كولشي تديروه بالزربة ياك غير شهر هذا باش تجوجتو وتهنيت منك باغا ماتهنيني ب بزاغطك

حليمة:واا كتاب أمي كتاب

السرغينية:فيناهو داك المسلوت دياك مالو مجاش تلاقيتو تانتوما المسلوت والمسلوتة كي غاديرو مع هاذ الدراري