العربي وعيالاتو🎻مكتملة🎻

🎻الجزء 17🎻

قصة؛🎻لعربي وعيالاتو🎻
  بقلمي:أناستازيا
              الجزء:17

سلتات السرغينية من تما مخلياهم..ومن بعدها خرجات السعدية من الطواليط كتجري وكطلع فسروالها هربانة..تا ضارو بيها ونطقو كاملات

:ختي السعدية فين غادا ؟غادا طيبي لينا مناكلو ياك..

.....

حل لعربي فمو نايض كيتفوه وعينيه مغمضين حك راسو وناض دايخ بالنعاس..شوية عاد سرات معاه حل عوينة وحدة كيلقا راسو فدار غريبة كلها كتشقشق بالبيوضا دور راسو لجيهة السرير كيلقاه سريرو

لعربي:ياويلي فين أنا ؟؟

مشا لجيهة فراشو كيخربق فيه وهز عينيه كيشوف فالسقوفا ويتأكد

لعربي:ياويلي بسملله رحمان رحيم أويلي ياكما مشيت لجهنم يا سيدي ربي فيناهيا السرغينية السرغينياااااا السرغينياااااا  ولايما نمشي بلا بيها رجلي على رجليها تا لجهنم السرغينياااااا فيينك فينك

شوية عاد رجعات ليه الذاكرة بلي هاذي دارو وهو دبا ناعس فبيت نعاسو حط يديه على وجهو..تا تمات جاية السرغينية كتزرب فخطاويها

السرغينية:أويلي تا مالك أناري أش هاذ الغوات كامل نضتي و نوضتي الدار كاملة معاك

لعربي:جيبي ليا ناكل و باراكا من كثرة الهضرة

السرغينية (هزات يديها كتگفض حوايجها):أيه نعام أسيدي ميكون غير خاطرك شي حولي مشوي شي بسطيلة بالحوت شي لحم بالبرقوق أش حب الخاطر

لعربي:حولي مشوي ايتقل عليا بسطيلة بالحوت تتگهم نقولو لحم بالبرقوق نقولو

السرغينية (جات شنقت عليه):تقول ياك أسيدي

لعربي ولا كي فرخ الشتا كيحاول يشرح ليها..

لعربي:شوفي أ سرغينية راك مفهمتينيش أنا قلت أنا لي نوض نوجدو نتي غير رتاحي ليا مع راسك رتاحي

السرغينية:يالاه نوض جمع الوقفة وسير عمر القفة ودخل تشمر على دوك اليدين شتك ولفتي النعسة بابا الليلة جاي يتعشا عندنا منبغي تا حاجة تكون ناقصة

لعربي(بصوت غاضب):شنو شنو

السرغينية(طلعت حاجب):مالك شتك فحالا معجبك حال

لعربي بدا تيضحك و تيلين فكلامو:مرحبا وألف ألف مرحبا بيه على أنا نقد ميعجبني حال

السرغينية:يالاه كوزينتك