العربي وعيالاتو🎻مكتملة🎻

🎻الجزء 47🎻

قصة؛🎻لعربي وعيالاتو🎻
  بقلمي:أناستازيا
                                        الجزء:47

سدات عليها الباب فوجهو تا ضربو الريح..

لعربي:يسد عليك ربي بيبان الجنة نشاعلله

شاف فرجليه كان لابس صندالة د العيالات خونها لخدوج من الدخلة د الباب..هزهز راسو و بدأ ينوح

لعربي:أو شكون يقبل عليك يا لعربي و ياخيي من غير دارك و عيالاتك شكووون شكوون مرة وحدة وقفتي عليهوم كلشي دور وجهو عليك فين غنمشي دبا وأش غندير من ورا متسدو عليا البيبان حسبتهم خوتي وصحاباتي و حباباتي ولكن قلبو عليا وجههم ومباتة وحدة كبروها فيا (بدأ تيمحط فجنابو)أش غدير دبا أخيي العربي أش غدييير أش أش ونتا ما فجنبك تا كبوط البرد والشتا ونتا فالزنقة كتمشا.

لعربي:شندير دبا نحفر شي حفرة لي نغرق فيها

محس براسو تاكان قطع مسافة ووصل لواحد الخلا

لعربي:ندخل لهاذ الخلا نتجلا مع الشوك و الدرك هنننن يا ميمتي يا ميمتي و لكن خليتي وليدك

تلفت جيهة ليمن وهو يشوف خيال شي جوج تا يجريو وراه مدار تا دورة كاملة وبدا تيجري و هادوك لي وراه يجريو ضربها من الخلا تخرج للطريق..الصندالة لي فرجليه تقطعت رماها و كمل حفيان..شوية بدأ يحس بلي وراه قراب يوصلو عليه

لعربي(بصوت ضعيف):ويلي ويلي الشفارة تابعيني و أنا معندي ما يتشفر أش غنعطيهم الصانديلة لي تقطعت أمي يا مي

عيا ميجهد فجريه و والو تحس بيهوم حداه و و عليه تيجريو معاه مقدرش يشوف فيهم خايف غير وحدو..

شوية حس بيهوم فاتوه..دور وجهو كيلقاهم جوج رجال عاطينو بالظهر لابسين لباس ديل السبور وغير خارجين يجريو فهاذ الليل

لعربي:تاهادو ماشي شفارة ولاه سيرو أنا بغيت ليكم الساكتة(شد على قلبو)طيروها مني خلعة الله يطيرها منهم

شاف فيه واحد من دوك الرجال:جريتي معانا الحاج اليوم (وكمل طريقو)

لعربي:الحاج قالك سير راك تولدني أ عوج السيفة..
____________________________________

حاقرين لعربي رآه باقا صغيرو بزينو و خميرو🤣🤣🤣