العربي وعيالاتو🎻مكتملة🎻

🎻الجزء 81🎻

قصة؛🎻لعربي وعيالاتو🎻
بقلمي:أناستازيا
الجزء:81

سعدية(مشات قدام المراية):ومالني خايبة؟؟؟

حليمة:أنا غير قلت ليك وصافي داك النوع كيعحبهم غير تزواق

السرغينية:أ سعدية أ حليمة واش سكنتو تما

حليمة:هاحنا أ مي جاييين..يالاه دبا تا لمن بعد ونشوفو هادشي

خرجو من البيت ومشاو للصالون..

السرغينية:سعدية حري لعند جارتنا الجديدة عيطي ليها تشرب معانا كويس أتاي

سعدية غير مهمومة وساهية..

السرغينية:واااا السعدية تي فين سارحة سمعتيني أش قلت

سعدية:لا

السرغينية:الصبر أسيدي ربي أتمشي عند جارتنا الجديدة أتقولي ليها تحي تشرب معانا كويس د أتاي ياك ساهلة هاذي

سعدية:اه

السرغينية:يالاه جري...

خرجات السعدية....
______________________________________

دقات عليها الدقة الأولى و الثانية والثالثة والو واش جاوبات يالاه كانت راجعة فحالها لدارهم وهي تسمع الباب تفتح وهي ترجع...شافتها حلات ليها الباب وخلاتها محلولة وزادت كتدوي فالتيليفون

سعدية:اويلي مال هاذي لاسلام لا كلام مالها حزنانة

دخلات السعدية للدار لي كانت شكل آخر مباينش نهائياً أنها ف حي مهمش كيبان عليها الرقي والنبل لي كاين غير فالاحياء الراقية سدات معاها الباب وهي غرقانة فهاذ الدار لي حاجة تنسيك فآخرة دورات عينيها كتقلب عليها سمعات صوت جاي من الصالون مشات جيهتها..

سعدية:سلام ختي

نورة كانت هازة تيليفونها سمعات شي حد دوا وراها دارت كتشوف فيها مصدومة

نورة:أش كديري فداري منين دخلتي أناري