العربي وعيالاتو🎻مكتملة🎻

🎻الجزء 40🎻

قصة؛🎻لعربي وعيالاتو🎻
  بقلمي:أناستازيا
                          الجزء:40
                         
خلاتها يزة غير حالة فمها فالحانوت واقفة بلاكة و رجعات كتفك..

****:ياااه على ناس كيف دايرين ميعرفو گاع للصواب..

______________________________________
من بعد معاناااااااة قدرو يفرقو السرغينية على بناتها لي ولات حالتهم حالة السعدية شعرها لي كانت تقول عليه حرير ولا واقف شاد الريزو و الكحل لي كان فعينيها ساح على وجهها و تجخمر أما حليمة مبقات گاع عاقلة على راسها بقا غتعقل على درتها..

وذنيها رجعو قلشين مبقاتش حليمة القرعة ولات حليمة القردة..

السرغينية (كدوي على السعدية):و مكحلة ليا مع راساتك مكحلة كون زدتي تا شي عكير حمر يجيك مع الكحل و السواك تاهو سيري الله يسوس ليك الجناب أ بنت الحرام مكحلة ليا اتمشي تغني ليا فالبيران(كتبعد يزة و زوبيدة لي كلا وحدة شاداها وكتمشي وتجي وسط من يديهم و بزز)طلقوني عليها نتفها طلقوني على خانزة الركاني

سعدية تخلعت هبطات مدردبة فالدروج هربانة وتبعاتها السرغينية بالدعاوي

السرغينية:هربانة هربانة أ بنت الحراام سيري أنا بغيتك طيحي ما تنوضي بغيت ليك دقة ربي ما تخليك تنوضي ما تخليك تقعدي

ساعة بخفة رجليها و الخوف لا طير عليها جات كرشها على الأرض گاع الشحمة طاحت للأرض لي مشات و جات فديك اللحظة..هزات راسها باغا تنوض ساعة بقات تما أش جا ما هزها وقعدها

السرغينية:زيدك أ بنت الحرام بقاي تما أنا جاية ليك

زوبيدة:صافي السرغينية صافي ياك بردتي غدايدك

السرغينية:باقي ما بردتش باقي هاذ العرق كيضرب ليا هنا باقي الغدايد طالعيني

هزات حليمة السروال على فخاضها لي دازو فيهم گاع اللوان بالقرص لي كلات

حليمة:الله على فخيضاتي الله الله

السرغينية:اجي لهنا أ ديك القرعة أجي لهنا باقي مبردتش أجي لهنا نشتف عليك كي شي زربية عاد نتهنا

(عاد تفكرات)

السرغينية(شدات على راسها بالفقايص):ومفركات زرابي مصبنات حوايج ما سيقات تبعات ليا غير حسينة الصليعة يا ميي يا ميي يا ميي

______________________
السرغينية باقا ما بردات😂😂😂