العربي وعيالاتو🎻مكتملة🎻

🎻الجزء 5🎻

قصة:🎻لعربي وعيالاتو🎻
بقلمي:أنستازيا
الجزء:5

الممرضة:معاك ممرضة السبيطار الشيخة رشيدة مرتك ولدات

شد على ودنيه ويد شاد بيها تيليفون:أشنو إينا وحدة فيهوم

الممرضة:كيفاش أسيدي إينا وحدة على نتا شحال عندك من وحدة؟؟

لعربي:باينة السرغينية ياك ديك القنية الله يا سيدي ربي بيمن مجوج أنا ناس مجوجين بالعيالات وأنا مجوج بقنية غير سايرة و تبلز

لعربي: لا هاذشي بزاااف هاذي شرفت وباقا كتولد عشرة اعباد الله عشرة د البنات ومازال زايدة باينا ولدات تاني شي جنية ياك لي ضربها نشاعلله وتهنيني منها

الممرضة:دبا أسيدي واش غتجي ولا شنو شفتك كثرثي عليا الهضرة بلا فايدة

لعربي:سيري حيدي عليا تا نتيا(قطع التيليفون وخشاه فجيبو)تيجيبو غا الخبارات المكفسة

لحموشية:أش كاين تاني

لعربي:هاديك الجحمومة ولدات عوتاني

لحموشية:ايناا هي لسرغينية

لعربي:وايه ديك الضبعة

لحموشية:اللولة هاديك باقا كتولد و بناتها قدهم مجوجين و والدين

لعربي :آلله يخليها هي وبعالكها(صونا التيليفون) عوتاني صوناا هاد الحراام...يالو شكون معايا

الممرضة:معااك ممرضة سبيطار *شيخة رشيدة*مرتك ولداات أسيدي

لعربي:عااارف هاني جاي فالطريق بالحق عارف هاديك الحثروفة هي لي كتقول ليكم تاصلو وعاودو أبلاتي عليها(قطع) ديك الضبعة هي لي تتقول ليهم تاصلو تاني يالاه زيد مع هاذو هاهوما تيصونيو عاود

الممرضة:سيدي مرتك ولداااات

لعربي(هز التيليفون تا للسما وخبطو مع الأرض) يالاه لقاو منين تصونيو عليا...(شاف فالحموشية)سيرو نتوما للبراكة أنا غادي للسبيطار

لحموشية:واخ...يالاه زيدو قدامي يالاه
شد طاكسي ركب فيه غير وصل للصبيطار وهو ينزل كيجري هربان من مول التاكسي

مول التاكسي (كيغوت)شفاااار شفاااار دالياا رزقي شدووه سرق لياا رزق وليداااتي...رجموه....رجموه... (هو بجري والناس موراه تجري وتسيب فالحجر)

لعربي:(عياا بالجري وهو يوقف)ياااك اولد الحرااام لصقتي فيااا البااطل....

تمو جاييين الناس جيهتو كيجريو

مول الطاكسي :شدووه قبل ميهرب...قربو ليه وهزوه من قفاه جارينو لبرااا الصبيطار..

تعاليقكم