العربي وعيالاتو🎻مكتملة🎻

🎻الجزء 38🎻

قصة؛🎻لعربي وعيالاتو🎻
  بقلمي:أناستازيا
                      الجزء:38

فطيطم تتضرب فجنابها و تتغوت:الله يا ربي تي أش درتي تي أش درتي الله ياربي يا مولانا

تحنات خدوج عند لعربي كدمع مخلوعة..

خدوج:لعربي لعربي كتسمعني لعربي

فطيطم:نتي قتلتيه و بغيتيه يسمعك أناااري

خدوج:فيق العربي فيق ها العار د ربي أنا قابلة قابلة نتزوج بيك و ديرني الرابعة غير فيق فيق

حل لعربي عوينتو ليمنية وناض طاير عليها شاد فيديها..

لعربي:صافي قبلتي أما فرحان فرحان فرحان فرحان أري داك الرأس نبوسو

خدوج غير تتشوف فيه ياك عاد دبا كان ميت..

لعربي:قلتها ليك قلت ليك غتقبلي فاللخر شتي هانتي وقفتي على كلامي

خدوج(مصدومة):ياك كنتي ميت

لعربي طلقها بواحد الضحكة..وتحنا هز المغرفة لي ضرباتو بيها تناها وهي تهرس كانت من البلاستيك الخفيف

خدوج:والدم

لعربي:منزل لا دم لا والو فطيطم الله يخليها لينا شاركتني فالكذبة باغيا لينا لخير بغاتنا نتجمعو(شد فيديها)فيما يرضي الله

غير كي كمل كلامو طارت عليه خدوج فقجة خانقاه تا بغات تطلع روحو..

خدوج:كتفلا عليا نتا ياك كتفلا عليا أ ولد الحرام هانا أنوريك خدوج أش كتسوا

لعربي(كيكحكح)

خدوج: نتزوج بيك تسنا شتي وخا تبقا غير نتا غير نتا فهاذ الدنيا لا تزوجت بيك ها وجهي دفل عليه