العربي وعيالاتو🎻مكتملة🎻

🎻الجزء 37🎻

قصة؛🎻لعربي وعيالاتو🎻
  بقلمي:أناستازيا
                      الجزء:37

حليمة (كتبكي):مي خليني غير نهضر

السرغينية:سكتي معندي مندير بهدرتك اللاوية

السعدية جالسة اللور شادة بلاصتها و كتفرج..

السعدية:عقلتي أ مي ديك المرة فاش قالت ليك رآه غادية عند زينب تعاونها فالشقا مشات طلاقات بحسينة و أنا شاهدة غير كذبات عليك على فيناهيا زينب رآه تزوجات و مشات لدار راجلها

السرغينية:زيدي

السعدية:و المرة التالية لي قالت ليك فيها بلي جاتها حق الشهر وخاصها اوليوز تاني تلاقات بيه

السرغينية مشات جيهتها و جراتها من شعاططها تا هيا تتنتفها ملاقية ليهوم الريوس بجوجات..

السرغينية:ياك أبنت الحرام هادشي كامل عارفاه و ماتجيش تقوليها ليا و خا لتاليتك البايرة

##
يزة و زوبيدة كانو جالسين لتحت غير سمعو الصداع حطو و لادهم و طلعو للسطح يفكو الحريرة لي نايضة

يزة:باراكا عليهوم باراكا راك قتليهم بالعصا

السرغينية:خليني نقتلهم ونتهنا (مازال كتجر سعدية من شعرها و حليمة من وذنيها و طالعاها بالقرص):نقتلهم و نتهنا حسن بنات الحرام دايرين عليا فرقة أدويو مالكم ساكتات

السعدية(كتهرنن):و الله امي تا كنت غنقولها ليك هي لي نهار عرفتني غنخبرك عطاتني قتلة العصا حتا طيحات ليا عظامي

حليمة:كذابة امي كذابة عمرني تفليت عليك و قبيلا راه غير تلف فالسطوحا وسحاب ليه هذا سطح جداتو الضاوية