العربي وعيالاتو🎻مكتملة🎻

🎻الجزء 8🎻

قصة؛🎻لعربي وعيالاتو🎻
بقلمي:أناستازيا
الجزء:8

دار وشدو حمد الفرشة..

السرغينة:شكون نتوما...نطقو بجوج فدقة
يزة:نتي لي شكون

زوبيدة:نتي لي شكون

السرغينية:هاذا راجلي

يزة:تانا راجلي

زوبيدة:تا انا راجلي

ضارو شافو ف لعربي لي طااح سخفاان...مشاو بثلاثة بيهم تايتجاراو والأرض تتزعز بسباب الدق لي واكلة بمسبتهم لجيهتو مصدومين

السرغينية:لعربي فيق شكوم هاذو لعربي وا لعربي نوض قوليا شكون هاذو

يزة(هضرتها غالبة عليها الشلحة):واااسير تنعس راه راجلي سميتو محماااد

زوبيدة: نوردين هذا الحبيب ديالي مسميتوش لعربي

السرغينية (شافت فيه و هو طايح فالأرض مغمض عين وحال عين):ياك أولد الحرام درتيها ياك العربي درتيها(تضرب فصدرها)درتيها أخيي درتيها جايب علياا الضراات...ادوي محشمتيش...

ناضت تتضرب فجنابها بانت ليها غير عصا د الشطابة هزاتها و عطاتو بيها حتا مخضات ليه عظامو ولا غير مسرسب كيف الشريويطة ومقادر يهضر غير ساكت فهاذ اللحظة سكاتو مصيبة وحتا هظرتو موصيبة غير طايح فالأرض وداير راسو سخفان..

يزة(هدرتها غالبة عليها اللكنة ديل الشلحة):الايخان مشفتو من نهار حملني شوفليك

زوبيدة:و يانا العايل دالحرام مشوفتو من النهار لي وراني البيطات(البيض(

شافت فيها سرغينية كتقلد ليها هضرتها:إينا بيطات

حدرات راسها ودارت زيفها على فمها حشمانة
وهي طيح عليه السرغينية

السرغينية :يااك الكافر بالله هادشي كامل درتيه...لعربي ياك وريتيها البيطات...لعربي...مبغيتيش تجاوب...هاا...داير فيها راجل...يااك اولد الحراام...يااك اولد الحراام...كتكذب عليا...هااا...واعدتيني عمرك تزوج علياا...وداباا كتكذب علياا ومن فوق البيطات ياك اولد الحراام...كتكذب علياا...كتكذب على السرغينية بنت الحاج بوفاااسي...معرفتيش الحاااج بوفااسي...

يالاه تزعزع وهي تدخل فيه برأس دوخاتو ديل بصح عينيه تقلبو وخط ديل الدم فنيفو

ورجعات كتعطيه بالعصاا ديل الشطابة..

عيات متضرب فيه السرغينية..ناضت و هزاتو هزة وحدة ورماتو فوق ظهرها وتماات غادة وهوما تابعينها هازين ولادهم وحليمة هازا ختها...

تمشاو واحد الساعة هوما عيااو وهي باقا مكدماهم لي يشوفها يقول هادي ماشي نافسة...