العربي وعيالاتو🎻مكتملة🎻

🎻الجزء 57🎻

قصة؛🎻لعربي وعيالاتو🎻
  بقلمي:أناستازيا                                         
    الجزء:57

حليمة:ونتيا أش دخلك حمارك ولا تقرصتي المحيسيدة

سعدية:نتقرص هههه ما نزيدكم من عندي غير الخير و الإحسان نيت جيتو مع بعضياتكم ههه

حليمة:إيوا دبا علاش موقفاني على هاذ جوج كلمات نمشي نطلع عند حسينة ديالي

سعدية:سيرو عندوأ قريعتو ا يكون كيتسناك (شدات على فمها بحذر)سيحت الوعد نسيت هو مفراسوش بلي حلومتو قريعة ماشي مولات السالف ههههههههه

حليمة(تعصبات):سعدية سيري تغسلي ميعناتك سيري لا نتي مسالية أنا ممسالياش

سعدية:نسيت انكون عطلتك سيري سيري عند حبيبك وخا آخرتو يعرفك قريعة ونشوفو واش أيبقا حبيبك و زيدك أنا مسميتيش سعدية سميتي سعيدة و ذبحات ليا مي عليها عجل لا مفراسكش

ضحكات حليمة وهي طالعة فالدروج كتقلي ليها السم

حلات باب السطح وبدأت كتمشي على الحيوط باش مديرش الصوت توصلات للفرقة لي مابين السطوحا بجوج سطح الضاوية و سطح دارهم جهزات رجليها باغا تنقز

حليمة:ياغتنقزي هاذ السطح وتزوجي بحسينة وديري وليداتك ولا غطيحي من هنا و تكون نهايتك

غمضات عينيها و جبدات رجليها غتنقز..

حليمة:الحااافيض الله

نقزات السطح ودازت: الحمدلله أسيدي الحمدلله مناش مسخوطة الوالدين (بدات تتعيط)حسينتي حسينة حبيبي روحي زيني القريع ديالي

حسات بخيال شي حاجة جات وراها وخطفات ليها الشد من فوق راسها..

حسينة:مولااااات السالف ديالي

_____

ليوم تفضح مولات السالف 😂😂😂