العربي وعيالاتو🎻مكتملة🎻

🎻الجزء 65🎻

قصة؛🎻لعربي وعيالاتو🎻
  بقلمي:أناستازيا
            الجزء:65

لعربي:متخافش متخافش رآها مشات غير تجيب السودانية حيث مبقاتش

شوية تمات داخلة سعدية هازة البندير وكطبل وحداها يزة كضرب بالطعريجة

سعدية:تحزم بالقرعة تولي قرع الصگع هاااا ها وليدي يااا ونتا ونتا لي بغيتيها ها أ وليدي هاا و نجد راسك يا الوليد هاا ها الوليد رآها تنطحك وترجعك قديد هااا ها وليدي

كضرب وراها يزة شوية طلقاتها بواحد التزغريتة

يزة:مبروك عليكم مبروك عليكم

حسينة(شاد على عوينتو):أش كتقول هاذي أ حليمة حليمة فينك

جعرات حليمة وناضت كتغوت باغا طير على سعدية حيث فضحاتها كونما تبتااتها السرغينية بالقرص من تحت..

سعدية:ياو سلتي الدرة ويا القريعة هااااا

حسينة:حليمة دوي أتبقاي ساكتة

لعربي:شوف نقول ليك سالف بنيتي على مزيناتو ما يغرك حد

ناضت حليمة غطير على سعدية حيث هي لي بدأت هادشي جات تبعدها عليها وهي تجر ليها الدرة تا طاحت وبان الشعر لي مكاينش

لعربي:هانتا شوف سويلفات بنيتي

دار وهو يلقا الدرة طايحة بين رجليها وهي واقفة مصدومة وحادرة عينيها..

حسينة:تفليتي عليا أ حليمة و درتيني ضحكة وفرجتي فيا العادي و البادي و أنا لي كنفوح عليهم بحلومتي مولات السالف حلومتي مولات السالف ساعة كاينة فبلاصتو غي بقعة أرضية بسيدي بو عثمان

لعربي:سمع نقول ليك أ وليدي هاديك الطفلة كان عندها وكان كثيف ومغوفل كيف شي غولة قبل مندير فيها خير ونقرعو ليها بصبيعاتي لي غيدودو تا دبا لا مبغيتهاش قرعة تسنا تا ينبت الشعر و اجي خطبها ولا دي السعدية ها هي قدامك على عينيك شعرها حرير مسبسب بغيتيها ديها منزيدوك غير بصحة و الراحة غير عمر الثلاجة وخليها تمهط كي البغلة تنقص عليا غير مصروفها بعدا جيتي جيتي ما تمشيش بيديك خاويين..