العربي وعيالاتو🎻مكتملة🎻

🎻الجزء 30🎻

قصة؛🎻لعربي وعيالاتو🎻
  بقلمي:أناستازيا
                  الجزء:30

تمشا لعربي حفيان تا سباط ملبسوش منين خرج و شكون خلاه فين غيمشي دبا و فين غيبات و الزنقة كولها ديبات..تمشا شحال و شحال رجليه تحفو ملقا فين شكون يقبل عليه من غير دويرتو شكون

بانت ليه غير فيها يمشي لعندها وخا عارف فأخر مرة كحلها معاها وليني شكون عندو من غيرها..

ضرب ديك الطوايلة كاملة تا جبدها لعندها وصل للبرارك مع الصداعات و الروينة والمطايفات وشي طايح شي واقف مكاين غير الجناوا والله ينعل الله ينعل الله ينعل بلاصة فحال هكاك مهمشة كيف بغا يلقا ناسها..

دق فالباب غير حلات ليه قبل متسد الباب دخل كيجري..

لعربي:عفاك أ لحموشية غير سمعيني شوفي رآه لصقتها فيك البارح غير حيث قلت نتي مرة ميقدش يدير يديه فيك ساعة طلع كلب من الحيماري لاخر ضربك و شركني تا أنا معاك

الحموشية:وا خرج عليا أسيدي خرج عليا مكنعرفكش أش جاي دير عندي

لعربي:البزيزيلة الحموشية آخر مرة آخر مرة منعاودش شتي لاعاودت هاذ المرة عطيني شي سلخة دايزها الكلام أنا مسلمك راسي

الحموشية:مابغيتيش تخرج ياك مبغيتيش

بدات كتهز لي بان ليها وتشير عليه بيه..

الحموشية:مبغيتيش

لعربي: الحموشية ديري عقلك

الحموشية:مبقا ليا عقل ليوما ندخل عليك للحبس عينيا بجوج و طفيتيهم ليا ركابيا بجوج فشيتهم و أنا تابعاك بلاتي نجرب فيك هادشي باش تحس تانتا

خرجات خدوج و فطيطم لعندهم..

خدوج:أش هاذ الصداع

لعربي:اجي أخدوجتي حامي على راجلك هاذي رآه هبلت..

خدوج:شبيني وبينك أخويا حتا نكون مراتك