قصة؛🎻لعربي وعيالاتو🎻
بقلمي:أناستازيا
الجزء:46بقاو تما كيتعاطاو كيف الطعريجة و البندير و وسطهم نورة لي غير كتفرج وتشوف ديك الحالة لي نايضة عاد كانو صحة سلام..
السرغينية:هييواا أتجمعي فمك ولا مغيعحبك حال
يزة:نتي لي مغيعجبك حال
قربات عندها يزة ناطحاها بسنطيحتها وهي تدخل فيها السرغينية تا خلاتها طايحة فالأرض..
ناضت من الأرض ودورو الشعورات بيناتهم وبداو يتناتفو و نورة كتبغي تفكهوم تا كتلقا راسها كتاكل العصا تا شعككو ليها راسها و طيحوها سخفانة..
الماكياج كولو هبط و البروشينگ خسر الدفار تقرطو و الحوايح لواو وتكمشو حالة صافي وقدامها باقين كتناتفو.. مرتاحت تا گنفوها وخلاوها سخفانة
شوية تمو هابطات حليمة و سعدية لي كرشها سابقاها دخلو وسطهم كيفكو بشكل وخرجو بشكل آخر..بقاو معاهم تا فارقوهم ديك ساعة نيت دخلو توام كيتجاراو
السرغينية متكية على اللحاف سخفانة العرق تيهبط منها و عينيها طافيين:فشيتو ليا ركابيا و الله لا بقات فيكم تحاميتو
يزة وهي تتجمع فشعرها لي خوا:شعري گاع نتفتوه عار عليا سمية يزة إيلا مفرجتكمش
زوبيدة لي حاطة الثلج فوق راسها و وجها ماطيشة صافي مع هي بلقة دغيا كتشد فيها الحمورية:طرشتو ليا الحناك وخا وخا غير بلاتي عليكم
جلسو حليمة و سعدية كينهجو ولاو طالبين غير الفكاك معاهم كل ساعة مگارعة مبقاو گاع يرتاحو
السرغينية شافتهم يالاه تمرحو كيستاراحو هزات نعالها وبدات فين ما جات..
السرغينية:جيتو تبندتو حدايا يا الخانزات باقي عندكم الكمارة
ناضو حليمة و السعدية كيتجارو تاني هربانات..
نطقات سلمى وحدة من التوام من ورا مشافت نورة سخفانة
سلمى:مي شكون هاذ المرة
ضارت السرغينية تشوف كتلقاها نورة..
السرغينية:ويلي ويلي على حشمة وعلى حالة درنا للسيدة...أديك القرعة جيبي ليا كأس الما
السرغينية (كتصرفق فيها):ألالة ألالة مال هاذي ماتت ولا كيفاش..
_______________________________
هاذي ماتت ولا مالها شتها نعست مفاقت🤣🤣🤣
أنت تقرأ
العربي وعيالاتو🎻مكتملة🎻
Любовные романы💎مكتملة💎 ❌حصرية على الواتباد❌ 🌺...تنقدم ليكم سلسلة لعربي و عيالاتو أو محناتو لي غا ترافقكم طيلة هاذ الشهر الكريم لي مطلوب منكم تحبوها كيفما هي حباتكم وجات برجليها تا لبين يديكم ❤️...هي قصة كوميدية قصيرة منّي ليكم هدفها الأول و الآخير تضحكم❤️...