العربي وعيالاتو🎻مكتملة🎻

🎻الجزء 16🎻

قصة؛🎻لعربي وعيالاتو🎻
  بقلمي:أناستازيا
            الجزء:16
           
          خلاه مرمي فالأرض كي شي شرويطة..جبدو حدا لحموشية وخلاهم تما بجوج موانسين تا يفيقو على خاطرهم وعباد الله لي كانو تما كملو دكشي لي كانو تيديرو..حايرين غير مع الدري صغير تيفركل ليهوم خايف غادين معاه غير بالهداوة

الدري الصغير:لاااااااا لاااااااا مبغيتش متحيدوهش لياااااا خليوه ليااااااا

الفقيه:ياودي راه غنيحدو ليك غير جليدة

الدري الصغير:لااا خليو ليا جليدتي متحيدوهاش ليااا

الفقيه:ياودي رآها منافعة بوالو

الدري الصغير:واخليوهااااا لياااا خليووهااا لياااا

هز الفقيه لي جا يختن المقص معصب مينفعش معاه الهداوة وغير جا يقرب ليه هز الدري الصغير رجلو تا لسما وعطاه الوجه بصباطو الثقيل تا تشرك ليه الفم مع النيف..شد على نيفو وقرب تاني المقص وحداه شي رجال شادين معاه الدري وكاملين وماقدوش على الدري..و نفس الشي عاود الدري عطاه برجليه..

بقا هكاك فينما يقرب للدري المقص يعطيه بالصباط تاعنفج ليه الوجه..حط الفقيه المقص مبقا باغي والو..

يالاه جا يهرب فحالاو شداتو السخفة وطاح ليهوم فالأرض و و جهو ولا كولو دمايات مبقاش ليه الوجه

مشاو تيجريو لي معاه يجيبو ليه الما و السكار باش يفيق..ساعة يشربوه تا جاڤيل موحااالش يفيق مازال..

##
السرغينية(حاطة يديها على جنابها..و كتغوت بصوت عالي باش يتسمع لسعدية لي داخلة للطواليط):أديك البايرة فين مشاو الكمالة د الرباعة

نطقات السعدية وهي لداخل فالطواليط..

السعدية:جاات مي عيشة وداتهم كاملات قاتلك بغاتهم يعجنو معاها الشباكية

السرغينية:ومالها مداتكش معاها

السعدية:معندها فين ديرني وهي حانوتها كي القفز

السرغينية:هوكاك..

مكملش بزااف د الوقت تا دخلو مسرسبات ثمنية د البنات كولهم فتقدة عمر ثمنطاش عام ولي شافهوم يقول تويميات كيتشابهو لدرجة مكتصورش..نطقو فدقة وحدة وهوما كيتغبنو

كاملين:ماااامااا فييناااا الجووووع

السرغينية(حطات يديها على راسها كارهة):أ ميمتي يا ناري ها هوماا عوتاني غيبداو أميمتي برمة د العصيدة و متكفاهمممشش

السرغينية:السعدية هانا خليتهوم ليك يا كوليهم يا ياكلوك ما سوقييش ما سوقييش..
______________________
سمعتو رآه مسوقهاش مسوقهاش😂😂
*تعاليقكم ضرورية 😍⁦❤️⁩⁦❤️⁩