العربي وعيالاتو🎻مكتملة🎻

🎻الجزء 59🎻

قصة؛🎻لعربي وعيالاتو🎻
  بقلمي:أناستازيا
    الجزء:59

حسينة:صافي أحلومتي منزيد كلام فوق كلامك من غدا أنا عند باب داركم نابت طالب يد مولات السالف حلومة غير وريني سالفك نتمنظر

حليمة: حسيييييينة ها لي قلنا

حسينة:صاف أحلومتي أهم حاجة نتي متقلقيش ليا

شد فيديها وبدا عاطيها للعيوط..

حسينة: لآلة العروسة حلومة عند حسينة مرهونة لآلة لعروسة حلومة عند حسينة مرهونة...حلومة لحسينة و موتي يا المغيبينة داها حسينة وداها و داها ولا هيما خلاها دا مولات السالف لي خلات عقلو تالف شافها و بصم تا تكون ليه وهو حالف

خرج رأس واحد المرة كبيرة فالسن من واحد الشريجم صغير ديل أيام زمان. الشعر الشايب خارج ليها من راسها دايرة نظاظر دقاع الكيسان كيبينو عينيها كي النملة ولاوية زيف حياتي على راسها وهي غير كتفتف بعكازها

المرة:أداك الجدر مازال مناويش تدخل ترگد ترگد معاك نشاعلله تابع ليا غير ديك القرعة د بنت السرغينية تحزم القرعة و القرعة وقالو زيد نقطعو الشانطي الله يقطع ليكم الجناب

حسينة:ياك كنقول أ مي مية هاذي رآه مولات السالف ديالي ماشي قرعة هاذي حليمة ماشي جرينة

المرة:زيدها فيك سير الله يلعن طواسلك و طواسلها سير الله يلعن جدك و جدها

حسينة:حنّة راك تدعي غير فراسك

المرة(تتسد فشريجمها داخلة):يلعن بوكم كاملين وااا دخل دخل ترگد البهل ترگد معاك متطلقك نشاعلله

حسينة:باراكا أ حنّة من هاذ دعاوي البلا صافي أنا داخل

المرة:و وخا نتيا فيك يا الگرطيكة اديك بنت السرغينية مازال منويتيش تفرقي عل الولد تخليه بايت الليل كامل يهرنن نهرنن على قبرك نشاعلله

حسينة:صافي أحنة سيري تصلي رآه المغرب ودن

دخلات الضاوية وسدات شريجمها..