العربي وعيالاتو🎻مكتملة🎻

🎻الجزء 42🎻

قصة؛🎻لعربي وعيالاتو🎻
  بقلمي:أناستازيا
                              الجزء:42

هربات حليمة من تما حاضية موراها ساعة مشافتش قدامها وجات فوق من السعدية

السعدية:الله ياربي الله ياربي الله اييييييييي وااا تي نوضي وا القرعة نوضي راك قصمتي ليا ظهري وا تي نوضي رجعتي مكتسمعيش

حليمة:أنبقا هكا تنبت يا المطحشة باش نوريك كيفاش تفرشيني قدام مي

تسرحات حليمة فوق ظهرها:الله على راحة

السعدية:تقعدي أبنت الحرام لا لا متكايش تما لا ظهري

حليمة:شكون هاذ الطحشة لي باقا تشريها ليا ؟؟؟؟

السعدية:ماشي أنا ماشي أنا رآه مشريتهاش ليك أ حليمة رآه كان خاصني ندوي فديك اللحظة فهميني و زايدون ياك أنا وياك كلينا عصا وحدا كيف كيف أش بغيتي مازال

السرغينية:هربتي تا نتي هربتي القرعة و الله لا بقات فيكم تحاميتو عليا و طيحتو ليا عظامي

شافتها يزة أتسخف مشات تتنقز وجابت ليها كرسي و جلساتها عليه

السرغينية: الله يا ربي على عظامي ايي مشا مشا مشا

رجعات السرغينية كتنهج سخفوها

زوبيدة:نجيب ليك كاس د الما

السرغينية:اه جيبيه ولا عرفتي شنو خليني نوض نتمشا شوية باش يتسرحو ليا عظامي فيناهوما دوك الجدرات

يزة:أش بغيتيهوم

السرغينية:بغيت نخلي عشتهوم دارو فيا هاذ الحالة ولا يني لا بقات راني فيهوم راني ماشي السرغينية بنت الحاج بوفاسي 

خرجات من السطح لقاتهم مسرحين فوق العتبة جات تحنا تكمل عليهوم لقات ظهرها معوكف..
______________________
كانت غتكمل عليهوم غير ملقاتش الجهد 😂😂😂