العربي وعيالاتو🎻مكتملة🎻

🎻الجزء 51🎻

قصة؛🎻لعربي وعيالاتو🎻
  بقلمي:أناستازيا
                                                الجزء:51

لعربي:أش هاذ لمرة عندي دبا هاذي ماشي مونتيف زيدي جبدي ليا عظامي

يزة(قرصات ليه كتافو):هاكا

لعربي:الللللله مشااو كتافو جمعي عليا يديك وسيري ترگدي..قاتلك ماساج دوك ليدين عندك غير ديل الفراكة والماعن اييي اييي

شاف فالسرغينية..

لعريي:فركي نتي مزيان الماعن تعرفو ليهوم كتوصلو تا للرجلين وتبداو تماوتو كي الفيران

شوية دخلت زوبيدة بالصينية وطبسيل عامر مسمن والزبدة و الزيت و الزيتون

زوبيدة:الحبيب د قلبي زيد تعمر كريشتك كوراه خاوية

لعربي:يخلي ليا زوبيدتي ليا تفكر فيا

زوبيدة شافت ف يزة و السرغينية كتقلي ليهوم السم

لعربي(على السرغينية):باراكا نتي طيبتي ليا رجليا

يالاه حطات زوبيدة الصينية و المسمن طارت يزة هازة مسمنة سخونة و كتكب ليها كاسها د أتاي

لعربي:أمادام طاحونة تقعدي وحطي ديك المسمنة نهار زين هذا لي ولاو ياكلو معانا فيه الخدامات

جات زوبيدة جلسات حداه ولكن هو مدواش

السرغينية و يزة تقرصو ولكن مدواوش

لعربي وهو تيغمس المسمن فالزيت :سيرو راه ماكلتكم فالكوزينا سيرو

السرغينية و يزة بقاو واقفين متحركوش

زوبيدة:نكب لحبيبي أتاي

لعربي:كبي كبي

زوبيدة:لعربي ندهن لحبيبي زبيدة

لعربي(غمض عويناتو):الله على لعربي كيف خرجت الله

السرغينية سنانها قربو يطيرو من كثرة ما موركة عليهوم وواحد العرق فعنقها كيضرب غيخرج فبلاصتو أما يزة عينيها قرابين يدخلو ويديها كاع تلواو من كثرة مكتلوي فيهم...

________
الله يخرج هاذ الضحك على خير😂😂😂😂