العربي وعيالاتو🎻مكتملة🎻

🎻الجزء 19🎻

قصة؛🎻لعربي وعيالاتو🎻
  بقلمي:أنا
                  الجزء:19

تحاماو بعشرة بيهوم هزو ديك الزربية و طلعوها للسطح غير حطوها هربو التوام وخلاو غير حليمة و السعدية الرأس فالراس بوحدهم يشتفو عليها..

سعدية كتشتف على الزربية وهي كتنهج و حداها حليمة كتفركها..

سعدية:هاحنا نازلين نجيبو التيد يا ودي التيد هاهو كاين لا رآه مكافيش نزلو نتوما مترجعوش وخليوني مع هاذ عوة بالحق أنا لي نستاهل أما نبيتكم لبارح بالجوع وگاعما تدوزو ديك البيصارة

حليمة:شتفي و باراكا من الهضرة ونتي ديك الفورمة عندك غير ديل تمارة نيت طيحي ديك الشحومات

ميقات السعدية و دوات..
سعدية:لي موصل للدالية يقول عليها خانزة

##

حط ليها القفة وسط الدار كينهج سخفان بالحر لي كاين فالزنقة

لعربي: السرغينياااااا وااااتي فينك السرغينياااااا

جات جيهتو كتمسح يديها فسربيتة..

السرغينية:شكاين تاني

نطق لعربي

لعربي:زيدي تشوفي راجلك سيد الرجال مقدي ليك و مدخل عليك القفة

مشات السرغينية للقفة كتقلب فيها كتجبد منها جوج عريشات د القزبر و واحد الكويغط صغير فيه ليقامة مخلطة بزقة بزار بزقة خرقوم بزقة سكنجبير بزقة ملحة وميكة صغيرة فيها معلقة د زيت وميكة خرة فيها بصلة و مطيشة وبطاطة

السرغينية:كيجيتك...