العربي وعيالاتو🎻مكتملة🎻

🎻الجزء 70🎻

قصة؛🎻لعربي وعيالاتو🎻
  بقلمي:أناستازيا
                      الجزء:70

لعربي: ولا هيلا زوينة هاذي تاتكوني والداها عاد رميها..

دفعها من قدامو..

لعربي:حيدي عليا نتيا من قدامي الحموشية واش ناعسة ولا مالك واش حنا غاديين نخدمو ولا نحظرو للعرس

______________________________________

واقف لعربي مكشط ومزيز و مقاد تشوفو تقول هاذي هي المرة تا من البونج ركبو ما خلا غير لي نسا...

الحموشية:شوف الصگع الضربة الصحيحة هي لي غنضربوها فهاذ العرس عنداك تفرشنا حظي راسك

لعربي: واهلي واهلي الحموشية شكون كتوصي تانتي

الحموشية:أنا علمتك إيلا وقعت شي حاجة ومتخلصناش فنهارنا نتا هو سبابنا أنا كنقول ليك

لعربي:صافي باراكا عليا زيدو مغاديينش

الحموشية:بلاتي بلاتي

مشات الحموشية كتجري و رجعات فيديها طلميطة

الحموشية:هاك هاذي تستر فيها وستر باليزتك لا يطمعو فيك

لعربي:ايه اريها اريها مبقات تيقة لواحد ولا يخاف على راسو