#الفـــصــل_التالث : #دعيها_تثلج#Let_It_Snow ❄️ #🅂🄰🄵🄸🅈🄰_🄽🄰🄶🄰🅃 🔏#𝓘𝓻𝓲𝓼
انساحب حتى هو و عاد دارت ساندية لعند جيلان مزيرة على يديها كثر و دخلاتها للدار و ديال بالصح فرحانة بشوفتها ...
ساندية : مرحبا بجيلان عندنا فدارنا ...( شدات فحبيب) اجي نعرفك .. هادي جيلان ، جيلو هذا الحبيب ديالي ... خويا
جيلان : (مدات ليه يديها بحماس) تشرفت بيك
حبيب : (هزهز راسو) شرف ليا شكرا ...
ساندية : هادية عرفتي شكون جيرانا الجداد ...
ريا : (طللات عليها و نقزات) مصاب يكونو هوما لي فبالي ... (تبسمات منين شافت جيلان و باين داكشي لي كانت متوقعة هو لي لقات) الله، نتي جيلان ياك ..
جيلان : (بابتسامة حبابة) هي انا ..
ريا : مرحبا بيك عندنا ..
جيلان : شكرا .. (سلمات عليها) بارك الله فيك ..
هادية : و دخلو ما فيا لي ينوض ...
دخلو للبيت الصغير فين كانت جالسة هادية بعدما مشاو ضيافها ناضت من الصالون حيت كايعنكشها و دخلات للبيت ديال الجلاس ، كايعحبها تبقا فيه، كايجيها صغير و مجموع ، كلشي قريب من كلشي ...
جيلان : (بصدمة) اوووه ، هادية اثير !
هادية : (تبسمات) هي انا ...
جيلان : (شافت فساندية) ما يمكنش هاد النهار شحال فشكل ... غير من دابا قسمين كنت كارهة هادشي .. و انا نتلاقا بيكم كي النعمة ديال سيدي ربي ، كي الدوا على الجرح .. انا من اشد معجبيك ... كانقاد تمارني على برنامجك .. (عنقاتها و عينيها مغرغرين) كايعحبوني نصائحك و كايأثر فيا كلامك ، نتي قدوتي فالحياة ...
هادية : (بادلاتها العناق) و هذا شرف ليا ...
جيلان : عرفتي شحال فرحت منين سمعت بزواجك و بتت كاندعي فيه من لي خا*نك اويلي وحدة بحالك تت*خ*ان ... ما يمكنش ، و فرحت كثر منين بدلتي الاذاعة و تعطات ليك مساحة اكثر باش تبدعي و تخرجي اش عندك كثر ... ما يمكنش شحال راك فنة و غزالة... عرفتي واحد السر (تبسمات و همسات ليها فوذنيها) انا راه وليت كانتفرج فالرسوم منين بديتي كاتدبلجيهم .
هادية : (تغرغرو عينيها) ا قلبي و انا هاد النهار غادي يدوز عندي حلا من العسل غير بسبب هضرتك ..
ساندية : نقيلو نطبلو و نغيطو ... حتى جات جيلان ..
هادية : اه ... فراسك انا راه حبيتك قبل ما نتعرف عليك حتى انا ، حبيتك بهضرتك ،و بالضرافات لي فيك و العقل و الرزانة لي عطاك الله .. وقتما تعاود ليا ساندية عليك كانلقى قلبي كايتكتك من جيهتك ... زعما تبارك الله على لي رباك و طلعك بحال هاكا
جيلان : شكرا ، بارك الله فيك ... البركة فميمتي و بابا الله يحفظو ليا ...
هادية : (باسف منين شافت عينيها ذبالو) اه بالصح ، البركة فراسكم من جيهة لالاك ...
جيلان : (هزهزات راسها متأترة) ما مشا معاك باس شكرا ...
ريا : لالاك واخا ماتت و مشات من هاد الدنيا خليها عايشة فقلبك ... تفكري هضرتها و ديري بيها ، لي ما دار بكلام كبيرو الهم تدبيرو ..
جيلان : (تبسمات) اكيد ، ما عمرها تموت ما حدني حية ... انا اصلا قررت نسمي بنتي عليها ...
ساندية : لاحقة على الولاد ا لالا عاطف ...
جيلان : (حكات قرفادتها) امنية و صافي ، اما شاكة مع ابو العيال غادي يخليني نبقا بايرة نضفرو الشيب انا وياه ... (تبسمات ليها) اش بان ليك نوصيه يبدا يكبر اللحية من دابا ، ياله ياله توجد ، نبقا نظفرها ليه و هو يظفر ليا شعري ...
ريا : (ضحكاتها) كاع لي كايقولو هاكا غير كاتجيهم الفرصة كايطيرو ...
هادية : بحالك مثلا ...
ريا : (تزنكو حناكها) مزالة حداك انا ...
هادية : و زيري ...
جيلان : ههههه بالصح نسيت .. ما يكون عندك باس ... الحمدلله لي ماشي شي حاجة ݣغاف ...
هادية : لهلا يوريك باس الزينة ... جلسي ما تبقايش واقفة ...
جيلان : (بحماس) لا لا غير خليني نمشي نشوف الدار ، و نشوف بابا كي بقا مع الصدمة...
هادية : (تبسمات ليها) مرحبا بيكم معانا
جيلان : شكرا ، ترحب بيك الجنة ، فرحت لي تلاقيت بيكم
ساندية : (طبطبات على ظهرها) مرحبا بيك وقتما بغيتي ... كانظن دابا راك غير نتي و ارون ..
جيلان : غير انا و هو الى الابد ... (دورات عينيها فبلاصتهم. نطقات بالزربة) من غير زعما ايلا بغيتي احم تفسخي خطبتك و تزوجي بيه غانولي انا وياه و وياك و وليداتكم الحبوبين ...
ريا : (طلقات ضحكة مجهدة) هااه ، غادي نتفاهمو انا وياك ما فيهاش شك
جيلان : (رمات عينيها ناحية حبيب لي طول هاد المدة جالس كايلعب فتلفونو و ساكت) كانتمنى ... بسلامة عليكم
هادية : مرحبا بيك فاي وقت ...
ريا : كنتي مسالية و لا باباك ما كاينش اجي ... وقتما رشقات ليك ..
حبيب : (هز راسو فيها وهو نطق بلباقة من باب الصواب) مرحبا بيك معانا
أنت تقرأ
LET IT SNOW (بالدارجة المغربية)
Romantik#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
