#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
الساعة الخامسة زوالا .... ومن بعد ربعة وعشرين ساعة طيران متقطعة، من المغرب، لالمانيا، لسويسرا، واخيرا إندونسيا ... واخا كاع سبل الراحة متوفرين ... العيا واكل منهم حقو .... غير نزلو كان الشيفور كايتسناهم باش يديهم للاوطيل فين دايرين الحجز ...
وسط جناح كبير ومجهز من داكشي ... خرجات من الدوش من بعد ما جمعاتو وخلاتو مقاد باش يدخل عثمان وراها ... جلسات فوق الكنابي و هي مرخية باغا غير تنعس ولكن خاصها تهضر مع هادية هي اللولة ...
عثمان : هانا دخلت ندوش !
ريا : تمام ... بالصحة .
هزات التلفون وغير خدمات الويفي وصلوها ميساجات هادية ... كانت فكل محطة كاتعلمها بوصولها ... صونات ليها و دارت التلفون على وذنيها ... و كاتدعي تلقاها فايقة، هي عارفة العيا عاد غادي يرجع عليها و باش ترتاح كاتصبح ناعسة ... يعني تقدر تكون باقا ناعسة وهي عندهم ياله الحداش ...
ريا : السلام عليكم !
هادية : اهلا حبوبتي .. اش خبارك لاباس ؟
ريا : الحمدلله ونتوما ؟
هادية : لاباس الحمدلله ...
ريا : وصلنا الحمدلله وهاحنا فالاوطيل
هادية : الحمدلله على سلامتكم ...
ريا : الله يسلمك ... نتوما مزيان ! ما واقع والو ياك !
هادية : (تنهدات) فوجي ونشطي ... حنا بيخير
ريا : تمام .. تهلاي وسلمي على كلشي .. غير نفيق نعيط ليكم بغيت نهضر مع حبيب وساندي
هادية : ان شاء الله
ريا : بسلامة
هادية : مع السلامة ...
قطعات معاهم وحطات يديها على خدها كاتخمم و تقاوم فالنعاس حتى يخرج عثمان من الحمام... دقايق قليلة وكان فتح الباب خارج كاينشف شعرو ...
عثمان : ريا !
كانت ناعسة وهي معنقة وسادة كانت محطوطة على الكنابي ... تبسم ومشا ناحيتها حيدها ليها وهزها حطها فوق الفراش ... وتخشا حداها ...عنقها مزير عليها وغمض عينيه حتى هو يرتاح شوية .
**
الحياة تستمر، و الضربة لي ما تق*تل تقوي ... جالسين مجموعين على الطبلة ديال الفطور واخا فات وقتو، حسن من والو ...
باتو كلهم فدار فايزة، ما بغاوش يخويو ويجيو العزاية ما يلقاو حد ...
هادية : سلمات عليكم ..
ساندية : مزيان لي ما قلتي ليها والو ... خليها تفوج بلا ما تغبنيها فسفرها ...
هادية : (تنهدات) كان خاصني نقول قبل ما تسافر .. دابا منين مشات ما كاين لاش نردها ..
ساندية : و ها هي رجعات غادي تتبدل شي حاجة ؟ الا .. ايوا صافي خليها تفوج و تفرح براسها (تنهدات) عروسة ما كاين لاش نغبنوها على والو.
هادية : ماشي شي حاحة تتقال ولكن وليت نخاف ! فعرسك نتي مات لوكا .. فعرس ريا ماتت خالتي ...
ساندية : (تبسمات) الله يحضر السلامة ...
حبيب : ما كاين غير لي كتب الله .. ولي جات من عندو مرحبا بيها
ساندية : هذا ما كان .. (تنهدات) الحمدلله على كل حال .
أنت تقرأ
LET IT SNOW (بالدارجة المغربية)
Romantik#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
