#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
خرجات لعندهم هادية لابسة حوايجها وهي كاتضحك ... قربات ليها ريا وشدات فوجهها بحب ... باغا طمنها و صافي ..
ريا : ان شاء الله كلشي غادي يدوز كيما باغيين واحسن نتي خليك متفائلة وصافي
ساندية : وليتي مسجلة !
ريا : علاش ؟
ساندية : هادشي لي قالت خالتي من دابا شوية !
ريا :و فالإعادة إفادة ...
ساندية : اللهم بارك
هادية : (تبسمات) دابا باقي الكسوة ديال الحنة غا يجيبها بهاء هاد العشية، و باقي الكسوة ديال العرس خاصني ندوز نشوف واش قادو ليا القياسات ولا باقي ...
ساندية : وصافي ها حنا سالينا... الباليزات تجمعو، التريتور واجد ، الضياف تعرضو و باقا لينا سيمانة غير ديال الراحة وتوجدي فيها نفسيتك !
هادية : (تنهدات) غير دوز هاد السيمانة وصافي ... الشي لاخور انا واجدة ليه !
ساندية : (غمزاتها) ياختي على الخوينزة !
هادية : (زيرات على شفايفها و تبسمات) وصافي ...
ريا : متأكدة ما خايفاش ؟
ساندية : شوفي باغا تخلعها صحة !
هادية : (ضحكات) هههه عادي، متحمسة !
ساندية : ياك !
هادية : (تنهدات وهي كاتبسم) وبغيت نشوف ديك الجانب ديال بهاء ! (خرجات عينيها) ياك راجلي فين المشكيل ؟
ريا : الله الله ! منحرفة ..
هادية : هههه ماشي هكاك!
ساندية : فين تبان زعامتي ..
هادية : ياك انا من ديما كانزعمكم، باش ما تقولوش حتى وصلات نوبتها وهي تقلب ... انا قلت زعما باغا نجرب العيشة معاه تحت سقف واحد، واش كيما داكشي لي تخايلت ولا لا !
هاينة : الخوف ما عندو فاش ينفع، بالعكس مزيان لي راك متقبلة الموضوع و موجدة نفسيتك ليه .
خرجات عينيها ودارت كاتشوف فيها، ما توقعاتش تكون كاتسمع حيت كايهضرو غير بالشوية ...
هادية : تماما..
ساندية : (شدات فيديها وهمسات) رخفي فيك النفس .
هادية : وشنو بغيتي اكثر !
ساندية : (غمزاتها) ما نهضرش، نتي غا تعرفي ...
*
*
*
فجهة ثانية صوت التلفازة مجهد وسط البيت راد عليها شوية ديال الحس ومخليها ما تحسش براسها بوحدها، العيا باين فيها، عينيها دابلين، و المرض غير ما كايزيد ينهش فصحتها، وزادت كملات فاش حبسات الدوا ... التليف الكبدي ماشي شي حاجة ساهلة، وهي ما مهولاش، كاتآذي راسها و غادي تزيد بالناس ...
جالسة بوحدها فبيتها ما معاها حد .. حتى من الخدم سيفطاتهم بحالهم ما باغاش لي يقلق راحتها و يخليها تزيد تخمم فخطتها اكثر واكثر ، ولكن واخا هادشي كامل كاتسناه يبان .. مهدي كان صديق مزيان بالنسبة ليها، بمثابة الطبطبة على جرحها و ما عمرو خلاها تحس براسها بوحدها ولكن حتى هو فقداتو ، و شكون السبب ؟
كادور حتى تعيا وتوقف على انو سبب كاع المشاكل لي فحياتها هي هادية .... قانعة راسها بلي هي الفراشة لي قلبات ليها حياتها و خلاتها توصل لهاد المواصل، كون ما بانت هادية فحياة بهاء كانت شحال من حاجة غادي تبدل !
ناضت جلسات مربعة رجليها و كاتشوف مباشرة فصورتها لي معلقة على طول الحيط و عامرة تقاطع حيت كل مرة كاتنيش عليها بسكين فجهة ...
أنت تقرأ
LET IT SNOW (بالدارجة المغربية)
Lãng mạn#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
