#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
شوفتو فافاتها ، خلاتها تحني راسها للارض و تعض على شفتها حتى تنفسات مزيان و هزات عينيها شافت فالطريق غير بان ليها قربو للشركة ... دارت لعندو و عفويا شدات فيديه لي كانت حداها .
ريا : خليني ننزل هنا .. بلا ما ندخلو انا وياك
عثمان : علاش ؟
ريا : (هزات كتافها و ردات خصلات من شعرها اورا وذنيها) هكاك، ما بغيتش يقولو عليا داخلة بالواسطة، انا دفعت لسطاج عادي و نتوما قبلتوني باش ناخد خبرة ماشي حيت سميتي ريا ، ياك هادشي لي قلتي ليا
عثمان : هادشي لي كاين ....
ريا : كووول ، ياله حبس غير هنا و تيسر على الله.
شاف حتى عيا وحطها مخليها على خاطرها و كمل طريقو ... تمشات شوية ما كاملاش قسم ديال الوقت، حتى وقفات قدام واحد البناية عالية هزات معاها راسها و ابتسامة مزينة ثغرها ..
ريا : ان شاء الله يدوز كلشي على خير وبيخير .
سمات الله، ردات شعرها ورا وذنها و دخلات... كان عثمان واقف بعيد و متبع ليها العين، ما كرهش يكون معاها ولكن هي راسها قاصح، واقفة قدام موظفة الاستقبال كاتهضر معاها بكل لباقة ولوخرا كاتجاوبها حتى شوية وقف قدامها واحد السيد قصير ، بينو و بينها غا شي سنتمترات قلال، كون جات لابسة طالون كون حرجاتو . كتافو عراض و وحروفو سمرين .. تبسم ليها ببشاشة ...
- السي علي صباح الخير
على : صباح النور ... (شافت تاني فريا و عبرها من التحت حتى للفوق باعجاب) كاين شي ما نقضيو ؟
- اه السي، هادي ريا السطاجير لي معاك .
علي : دغيا جيتي (قهقه بتتاقل و غمزها) زعما الصيف هذا الاغلبية كايبقاو مكسلين ..
ريا : (ردات شعرها ورا وذنها و جاوبات بلباقة واخا جاها حامض) خاصني نجري على راسي و نستاغل فرصتي ..
علي : و سمحي ليا نقولك بلي هاد الحركة ذكية منك، ماشي كلشي كاتعطا ليه الفرصة باش يسطاجي هنا (تبسم) ياكما عندك الواسطة ؟
زيرات على قبضتها محاولة تستحمل زناختو .... تبسمات زز منها و نطقات تحت سنانها ..
ريا : كون كانت عندي الواسطة كانو غادي يكاشيو ليا و راني مكسلة ! (غمزاتو و همسات) و كانظن هاد الشركة ما فيهاش هاد النوع ديال الخدمة ... او لا ؟
علي : (رمش لثواني) ب بالصح !
- السي علي كنتي باغي شي حاجة ياك ؟
علي : عثمان قالي بلي زاد سطاجير و جيت نسولك عليها ، صافي .
- و ها هي واقفة حداك ، الله يعاونكم على خدمتكم .
ريا : (تبسمات ليها بلباقة) شكرا .. بارك الله فيك ..
مد يديه و هي بقات قدامو غير كاتشوف ... حتى نطق .
علي : cv نشوفو !
ريا : (مداتو ليه) تفضل ...
علي : (فتحو كايشوف فيه و زاد) ياله تبعيني ... عندنا بزاف ما نقضيو .. تبارك الله راك خريجة يعني عارفة كلشي .
ريا : واجدة حتى باش نخدم ، غير راك عارف سوق الشغل طالب الخبرة
علي : ها حنا غادي نميوها !
أنت تقرأ
LET IT SNOW (بالدارجة المغربية)
Lãng mạn#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
