#الفـــصــل_التالث : #دعيها_تثلج
#Let_It_Snow ❄️
#🅂🄰🄵🄸🅈🄰_🄽🄰🄶🄰🅃 🔏
#𝓘𝓻𝓲𝓼
تجمعو على الطبلة ديال الغذا ... مترأسها ابراهيم حيت هو الكبير و الباقي جالسين حدا بعضياتهم ... ما خطا بهاء وهادية لي واقفين كايحطو ...
ابراهيم : الحمدلله لي حياني الله حتى نشوف عائلتي مجموعة بحال هاكا ! الله يرضي عليكم
عثمان : الله يحفظك ويطول فعمرك الحاج ...
نطقات ازنور بالتركية حيت شرحات ليها ميسان اش قال الحاج ..
اونور : حتى فرحانة وفخورة بولاد ختي .. الله يجعلكم تشرفو على مخدة وحدة و العقبة عند بنتنا ميسان !
قالت ليهم ميسان شنو قالت ازنور وبهاء مخرج عينيه فيها ..
بهاء : مالك ما قلتي العقبة عندك !
ميسان : ونشكر راسي ؟
بهاء : احياني ..
بداو غداتهم و الهضرة دايرة على الطبلة .. حتى ايلين مندمجة معاهم منين كايهضرو بالانجليزي ومرة مرة كايدخلو معاهم ازنور فالهضرة ...
غير كملو طارو البنات جمعو الطبلة، كل واحد دار حاجة دغيا كملو، بقاو الماعن خرجهم بهاء من تماك حتى يساليو يدور ليهم ...
حطات ليهم هادية الحلا لي جابت ريا وجلسات حدا بهاء مهاودين ...
ميسان : قال ليا عزيزي غا يجيب ليك جرو !
هادية : تماما ! تبغي تشوفيه !
ميسان : اويلي ما كانش كايطنز ؟؟
بهاء : من نيتك ؟
ميسان : و ما خفتيش !
بهاء : (مغزف) قلت ليك ما كانخافش ...
ميسان : (بسخرية) هههه وايلي ؟ حلف !
هادية : اجي نوريه ليك .. منها النيت نعطيه ياكل مسكين ..
ميسان : الا انا كانخاف ...
هادية : اجي باركة من الخوف شحال قدك!
شدات فيديها وخرجو بجوج لدارو لي على برا ... سلكوها غير من الباب ديال البالكون لي حداهم، وميسان عينيها كايدورو فبلاصتهم ..
هادية : وبهاء لي عضو كل*ب ما خافش منو ...
ميسان : انا غير صوتو كايبورشني ..
هادية : ولكن هذا راه باقي جرو ..
حلات عليه الباب ... وشافت فيها ...
هادية : شوفيه كي ناعس !
ميسان : ياه شحال حلو ...
هادية : وشفتي ..
ميسان : ن نقيسو ؟
هادية : (هزهزات راسها) جربي ما غا يدير والو انا معاك ...
حطات يديها على راسو دوزاتها بالزربة ... وهي تشد فيها هادية و دوزاتها عليه غير بالمهل ..
هادية : زعمي و ماتخافيش ..
ميسان : حاولت ولكن ما قديتش ..
هادية : حاولي مرة وجوج وعشرة ... ماشي تحبسي من اولو
ميسان : وايلا ما كانتش نتيجة !
هادية : ههههه زعما غا تبقاي تخافي ؟
ميسان : (تنهدات) فحياتي كلها .. ماشي غير على الخوف ..
هادية : ياله قلتي بسم الله اش غا تعياي ؟ ايلا ما حاولتيش فهاد العمر .. ايمتا غادي تحاولي ؟
ميسان : (تنهدات) ما عرفتش ...
هادية : اش هاد التنهيدة ؟ (تبسمات) ياكما كاتحبي العفريتة ؟
ميسان : (هزهزات راسها وهي تالفة) يعني .. واقلة! يمكن ؟ ما عرفتش .. كلشي مخربق ... وماما قالت خوي راسك راه هادشي ما منوش ولكن ايلا جيتي تشوفي انا طحت غير على قبل التعامل و الهيئة انو داكشي كايديرو مع كلشي ... يعني !
أنت تقرأ
LET IT SNOW (بالدارجة المغربية)
Romance#ممنوع_النشر 🔏 •°• #Let_it_Snow •°• •Love is a beautiful kind of fear• بقلم : ❀⁂𝑺𝒂𝒇𝒊𝒚𝒂 𝑵𝒂𝒈𝒂𝒕⁂ صفية نݣات ⁂❀ ...
